افغانستان نماینده‌لر کینگشی بوگونکی عمومی ییغینده، ننگرهار ولایتیده جاپانی‌لیک تیتسو ناکامورا و همکارلری نینگ قتلی‌نی قاره‌لب و بو واقعه عامل‌لری تانیلیب قولگه آلینیشی‌نی طلب قیلگن.
نماینده‌لر کینگشی نینگ باشلیغی میررحمان رحمانی، ناکامورا و همکارلری نینگ قتلی‌نی کیچیریلمس دیگن.
شونینگدیک، نماینده‌لر کینگشی اعضالریدن بیرقطاری، تیتسو ناکامورا قتلی‌نی قاره‌لب ایتیش‌لریچه، خوفسیزلیک اداره‌لری ناکامورانینگ جانی گه قصد قیلگن قضیه‌نی جدی شکلده تیکشیریب و شونینگدیک، ننگرهارده بیران مکتب یا-ده بیران اورین آتی اونینگ آتی گه قوییلیشی‌نی طلب قیلیشگن.
ناکامورانینگ قتلی اجتماعی ترماقلر ایشلاوچی‌لری نینگ جدی عکس‌العمل‌لری گه روپه‌ره بولیب و برچه بیرگه‌لیک‌ده بو واقعه‌نی قاره‌لشگن.
افغانستان بوییچه «جاپان تینچلیک طبی خذمت‌لری» نامیده‌گی جاپانی‌لیک خیریه قوریلمه باشلیغی تیتسو ناکامورا و بیش افغانستانلیک هم‌کسبی اوتگن هفته چهارشنبه کون جلال‌آباد شهریده قوراللی بیر هجوم نتیجه‌سیده هلاک ایتیلگن‌لر.
جاپان فقراسی بولگن تیتسو ناکامورا، نیچه ییل‌دن بویان افغانستانده انسان دوست‌لیک فعالیت‌لر بیلن شغلله‌نیب کیلگن ایدی.
شو توغریده…
