افغانستان نماینده‌لر کینگشی نینگ بوگونکی عمومی ییغینیده، نماینده‌لر کینگشی اعضالری، ناتینچلیک‌لر آلدی آلینیشی خصوصیده، خوفسیزلیک رسمی‌لری نینگ ظرفیت سیزلیک و کوچسیزلیک‌که عیب‌لب و خوفسیزلیک اداره‌لری نینگ ییریک رسمی‌لری، نماینده‌لر کینگشی‌گه چقیریلیشی‌نی طلب قیلیشگن.
نماینده‌لر کینگشی اعضالری نینگ ایتیشیچه، خوفسیزلیک اداره‌لریده‌گی تعیینات‌لر قومی و غیرمسلکی بولگنی باعث، اوروش و ناتینچلیک‌لر شدتلنگن.
نماینده‌لر کینگشی نینگ باشلیغی میررحمان رحمانی، مذکور کینگش نینگ ایچکی خوفسیزلیک کمیسیونی‌گه بویروغ بیریب و خوفسیزلیک اداره‌لری ییریک رسمی‌لری نینگ بو کمیسیونگه چقیریب و گزارشی‌نی نماینده‌لر کینگشی نینگ عمومی ییغینده ارایه قیلیشینی طلب قیلدی.
نماینده‌لر کینگشی نینگ اعضالری، خوفسیزلیک اداره‌لری نینگ رسمی‌لریدن تنقید قیلگن بیرچاغده، سونگی کونلر کابل و باشقه شهرلرده خودکش هجوملر کوپه‌ییب و شونینگدیک، قطار ولایت‌لرده اوروش شدتلنگن.
