بوگون «دوشنبه» افغانستان باشکینتی کابل‌ده کیین مه کیین ایکی خودکش هجوم یوز بیردی و بو هجوملرده «9 خبرچی» شامل 29 کیشی هلاک و باشقه 45 کیشی یره‌لنگن و بو واقعه نماینده‌لر کینگشی‌نینگ جدی عکس‌العملی گه روپه‌ره بولدی.
نماینده‌لر کینگشی باشلیغی عبدالرؤوف ابراهیمی، خبرچیلر و تینچ اهالی اولدیریلیشی‌نی جوده اچینرلی دیب ایتیشیچه، بو وضعیت دوام ایته‌دی و شو یوزه‌دن بو وضعیت‌دن چیقیش اوچون نماینده‌لر کینگشی تأثیرچن بیر ریجه اوستیگه ایش قیلیشی کیره‌ک.
نماینده‌لر کینگشی باشلیغی‌نینگ کوپه‌یتیریشیچه، جاری وضعیت مملکت یشاوچیلری اوچون کیله‌جک‌نی اچیق و قورقینچ‌لی قیلگن، بیراق نماینده‌لر کینگشی‌نینگ وظیفه‌سی تسلیت ایتماق ایمس و بوندن آرتیق ایش قیلینیشی لازم.
عین حالده، نماینده‌لر کینگشی اعضالریدن بیرقطاری، یشاوچیلرنینگ خوفسیزلیگی تأمین‌لنیشی خصوصیده، حکومت‌نی ناکام دییدیلر.
نماینده‌لر کینگشی اعضاسی غلام‌حسین ناصری‌نینگ ایتیشیچه، ملی بیرلیک حکومت رهبرلری، توکیلگن قانلر توغریسیده جواب بیریشلری کیره‌ک.
جناب ناصری گه کوره، جمهور رئیس و اجراییه باشلیغی مملکت و یشاوچیلرنینگ برابریده بولگن مسؤولیت‌لرینی عمل‌گه آشیرمه‌ی و یالغیز سوز بیرگن.
شونینگ‌دیک، اوتگن هفته کابل شهری‌نینگ آلتینچی امنیتی حوزه‌سیده کیم‌لیک ترقه‌تیش بیر مرکزده داعش گروهی تامانیدن خودکش هجوم اویوشتیریلگن ایدی و بو هجوم نتیجه‌سیده مملکت یشاوچیلریدن 200 کیشی هلاک ایتیلیب و یره‌لنگن و نماینده‌لر کینگشی واقعه تیکشیریلیشی اوچون بیر هیأت تعیین قیلگن ایدی.
