بوگون «چهارشنبه» نماینده‌لر کینگشی، امنیتی مسؤوللرنی مملکت‌نینگ امنیتی وضعیتی و کیله‌جک سیلاو خوفسیزلیگی تأمین‌لنیشی توغریسیده، نماینده‌لر کینگشی اعضالری‌نینگ سوراقلریگه جواب بیریش اوچون نماینده‌لر کینگشی‌نینگ عمومی ییغینی گه چقیرگن ایدی. بیراق، امنیتی مسؤوللر نماینده‌لر کینگشی‌گه بیر مکتوب یوباریب و کینگش گه حاضر بولیش‌دن وازکیچگن‌لر و بو مسئله نماینده‌لر کینگشی‌نینگ اعضالری ایکی تامانلمه بولیشی گه سبب بولگن.
نماینده‌لر کینگشی اعضالریدن بیرقطاری، امنیتی مسؤوللرنینگ بو ایشی‌نی اساسی قانون گه قرشی دیگن‌لر، بیراق باشقه بیرقطاری، نماینده‌لر کینگشی‌نینگ استجوابیه ییغین‌لری یولگه قوییلیشی‌دن ناراضیلیک بیلدیریب و بو طریقه نتیجه بیرمه‌سینی بیلدیرگن.
نماینده‌لر کینگشی اعضاسی عبدالقیوم سجادی نینگ ایتیشیچه، حکومت ایشلرینی نظارت قیلیب و رسمی‌لرنی استجواب قیلیش قانون اساسیده، نماینده‌لر کینگشی‌نینگ مسؤولیتی دیر. شو یوزه‌دن، امنیتی مسؤوللر بیزلرگه نیچه ایش قیلیش و قیلمه‌سیمیزنی ایته آلمه‌یدیلر.
باشقه تاماندن، صالح‌محمد سلجوقی و باشقه بیرقطار نماینده‌لر، مسؤوللرنی استجواب قیلیش طریقه‌سینی ناکام بیلیب ایتیشیچه، بو طریقه یالغیز شکل نقطه نظریدن قبول کورینه‌دی، بیراق موضوع نقطه‌ای نظریدن قانیقرلی ایمس دیر.
عین حالده، نماینده‌لر کینگشی باشلیغی عبدالرؤوف ابراهیمی‌نینگ ایتیشیچه، بو قره‌مه قرشی‌لیک‌لر امنیتی مسؤوللر استجواب قیلینیشی گه توسیق بوله آلمه‌یدی و نماینده‌لر کینگشی ینه بیر بار اولرنی کیله‌جک هفته چهارشنبه کون گه جواب بیریش اوچون کینگش گه چقیره‌دی؛ بیراق او پیت گچه نماینده‌لر سوراقلرینی اوستیگه ایش قیلیش‌لری لازم.
امنیتی مسؤوللر تامانیدن کیلمس‌لری توغریسیده نماینده‌لر کینگشی گه یوباریلگن مکتوب‌ده، امنیتی تهدیدلر یوقاری بولگنی سبب، امنیتی سِرلر سقله‌نیشی بیلدیریلگن.
