نماینده‌لر مجلسی‌نینگ بیر قنچه اعضالری، اخیرگی وقت‌لرده پایتخت کابل‌ده جنایی جرملر میزانی آشگن‌لیگی‌نی ایتیب، بو وضعیت دوام تارتیشی‌دن خواطر بیلدیرگن‌لر.
ملی مجلس‌نینگ اعضالریدن فوزیه کوفی، کونده پایتخت کابل‌ده اون – اون بیش جنایی جرم یوز بیره‌دی دیگن. او، حکومت‌نینگ بو مساله اوچون تفاوت‌سیز قالیشی قبول ایتیلمی‌دیگن موضوع دیگن. 12 یاشی‌ده بولگن اباسین قتل ایتیلگن لیگی‌گه اشاره قیلگن خانم کوفی، جنایی جرملر رقمی آشیشی پایتخت کابل‌لیک‌لرگه روحی ضربه بیرلیگن‌لیگی باره‌سی‌ده تاکیدله‌گن. ایچکی ایشلر زویرلیگی‌دن بو توغریده جدی تدبیر آلیش‌نی سوره‌گن خانم کوفی.
بلاغت‌گه ییتمه‌گن اباسین بوندن بیش آی آلدین کابل شهری‌نینگ کارته نو منطقه‌سی‌ده آدم اوغیرلاوچی‌لر تامانیدن اوغیرله‌نیب، نهایت‌ده اوغیرله‌گن‌لر آرقه‌لی قربان ایتیلدی.
نماینده‌لر مجلسی‌نینگ باشقه بیر اعضاسی نظیفه ذکی، قانون معافیت مدنیتی تطبیق ایتیلمس‌لیگی‌نی بو قبیل حادثه‌لر میزانی آشگن‌لیگی اوچون بیرینچی دلیل ایکن لیگی‌نی ایتگن. او، حکومتدن اباسین‌نی قتل قیلگنلر قول‌گه آلینیب، آچیقله‌ین دارگه تارتیلیشی‌نی طلب قیلگن.
عین حالده، سابق شوروی قیزیل قوشینی‌گه قرشی جهادیلری پیروزلیگی‌نینگ 24ییللیگی مناسبتی بیلن اویوشتیریلگن ییغین‌ده چیقیش قیلگن جناب مسعود، آدم اوغیرلاوچی‌لر همده امنیت‌نی بوزوچی‌لر جزاله‌نیشی باره‌سی‌ده تاکیدله‌گن.
شونینگ‌دیک جناب مسعود، حکومت آدم اوغیرلاوچیلیک واقعه‌لرده قولی بولگن کیشی‌لردن بیر قنچه‌سی‌نی دارگه تارتگن حالده، باشقه‌لرده بونده‌ی بیر ایش‌نی قیلیش اوچون جرئت قالمس‌لیگی حقی‌ده اورغوله‌گن.
عین حالده، بوگون پایتخت کابل‌ده یوزلب اهالی و مدنی جماعه‌چیلیک فعال‌لری نمایش اوتکزیب، اباسین‌نی قتل قیلگنلر قتیق جزاله‌نیشی باره‌سی‌ده تاکیدله‌گن‌لر. اعتراضچی‌لر، حکومتدن اباسین‌نینگ دوسیه‌سی شفاف شکل‌ده تیکشیریلیشی‌نی طلب قیلگنلر.
کابل شهریده یول یوریلگن‌لر، بونده‌ی موضوعلر اوچون ولایت امنیه قوماندانلیگی‌نی بی‌فرقلیک‌که عیب‌لب، هر دایم واقعه یوز بیرگن‌دن سونگ امنیتی رسمیلر ایش‌گه توشه‌دی دیگن‌لر.
عین حالده، ایچکی ایشلر وزیرلیگی‌نینگ امنیتی اورین باسری عبدالرحمان رحمان، اباسین قتلی‌ده قولی بارلیککه گمان قیلینیب 12 کیشی قماققه آلینگن‌لیگی‌نی تیل‌گه آلگن.
شونینگ‌دیک، رحمانی، اباسین اوغیرلنگن حوزه‌نینگ امنیتی مسوول‌لری ایشی توخته‌تیلگن دیب، حادثه کوپراق یاروتیلیشی اوچون بو رسمی‌لرنینگ دوسیه‌سی عدلی و قضای اداره‌لرگه تاپشیریلگن دیگن.
