بوگون «سه‌شنبه» کابل‌ده خبری بیرییغین اوتکزگن جمهورلیک ریاست سیلاو نامزدی رحمت‌الله نبیل نینگ ایتیشیچه، سیلاولر نتیجه‌سی یالغیز سیلاولر کمیسیونی تامانیدن اعلام ایتیله‌دی و وقتدن آلدین هرقنده‌ی قضاوت، سیلاولر فانونی گه قرشی دیر.
اونگه کوره، سیلاولرنینگ بیرینچی دوری‌ده هیچ کیم غالب چیقه آلمه‌گن و سیلاولر ایرکین کمیسیونی سیلاولرنینگ ایکینچی دوری اوچون تیارگرلیک آلیشی کیره‌ک.
جناب نبیل نینگ کوپه‌یتیریشیچه، غالب‌لیک ادعاسینی قیلگن تیملرنینگ آوازی جعلی دیر و مملکتده فاجعه یره‌تیشی ممکن.
جناب نبیل نینگ ایتیشیچه، قطار سیلاو تیم‌لری یالغیز بیر آوازنینگ کمیده 200 دالر ساتیب آلگن.
اونگه کوره، سیلاوی تیم‌لردن بیری سیلاو اوچون کمیده 175 میلیون دالر خره‌جت قیلگن.
شو توغریده:
جناب نبیل نینگ کوپه‌یتیریشیچه، سیلاوی کمیسیونلر آق و قاره آوازلرنی اَجره‌تیش کیره‌ک. او، سیلاولرده اهالی حضوری کم‌لیگی توغریسیده ایتیشیچه، سیلاوده اهالی حضوری کم‌لیگی ملی بیرلیک حکومت رهبرلرینی یوزیگه قتیق بیر اوریش دیر.
جناب نبیل سیلاوی کمیسیونلرگه خطاب ایتشیچه، اوشبو کمیسیون کیتگن ایشانچی نی قیته‌دن قولگه کیلتیریشی کیره‌ک.
6- میزان سیلاوی تهدیدلربیلن روپه‌رو بولگن حالده هم توغری بیر شکلده بولیب اوتدی.
