.jpg)
د بنګله دېش په کوربتوب ۴م پړاو سوداګریزې ۲۰ اوریزه کرکټ سیالۍ سبا د افغانستان او د کرکټ نړۍ مشهورو لوبغاړو په موجودیت کې د ۷ لوبډلو په ګډون په بنګله دېش کې پیل شي.
د سږ کال په ټورنامنټ کې له افغانستان څخه د لومړي ځل له پاره ۳ افغان لوبغاړي محمد نبي عیسی خېل، شهزاد محمدي او راشد خان ارمان هم دغو سیالیو ته ورغوښتل شوي دي.
د سیالیو د رسمي وېبپاڼې د معلوماتو له مخې، سیالۍ سبا په دوو لوبو سره پیلیږي او د ډیسمبر په ۹مه نېټه به د اتلې لوبډلې په اعلان سره پاې ته ورسیږي.
د سبا ورځې په لومړۍ لوبه کې د راشد خان ارمان په موجودیت کې کومیلا ویکټورینز لوبډله مازدیګر ۳ بجې له راج شاهي لوبډلې سره او په دویمه لوبه کې د شهزاد محمدي په شتون کې رانګپور رایډرز لوبډله ماښام ۵ بجې او ۴۵ دقیقې له خولنا ټایټینز لوبډلې سره د لوبې ډګر ته ووځي.
.jpg)
دریم افغان لوبغاړی محمد نبي عیسی خېل به بیا د ټورنامنټ په دویمه ورځ خپله لومړۍ سیالۍ د چټاګانګ وایکینګز لوبډلې په ګټه ماسپښین ۲ نیمې بجې له باریسال برنرز لوبډلې په ګټه وکړي.
محمد نبي عیسی خېل د سر په سر دریم کال له پاره محمد شهزاد محمدي او راشد ارمان بیا د لومړي ځل له پاره دغو سیالیو ته غوره شوي دي.
د بنګله دېش سوداګریزې (پي، پي، ایل) ۲۰ اوریزه کرکټ سیالۍ له ۲۰۱۲ کال راهیسې په بنګله دېش کې کیږي، چې افغان مینه وال د ۳ واړه افغان لوبغاړو د ښه ځلیدو تمه لري.
په دغو سیالیو کې ۲ ځلی د ډهاکه ډینا نامیټس لوبډلې او تې رکال بیا کومیلا ویکټورینز لوبډلې د اتلولۍ جام کټلی و او درې واړه اتلولۍ د مشرفي مرتضی په کپټانۍ کې ګټل شوي دي.
کومیلا ویکټورینز لوبډله به سږ کال د ځوان او تکړه افغان لوبغاړي راشد خان ارمان په موجودیت کې له خپلې تېرې اتلولۍ دفاع کوي.
تراوسه په شویو ۳ فصلونو کې بنګله دېشي مشفیق الرحیم په ۸۱۹ منډو مخکښ بېټسمین او ویسټ انډيزي کیون کوپر په ۴۹ ویکټو مخکښ بالر دی.
