.jpg)
بوزیق بیر تورت دیوارگه سوینگن. آق پارچه بیلن اوره‌لگن ایکی آغاچلی عصا هم اونینگ کبی دیوارگه سوینگن. کیچیک باله‌لر شوخلیک‌لری بیلن یقینلشه‌دی و قمرالدین نینگ روحی حالتی بوزیلماققه باشله‌یدی و هر بیر لحظه آغاچلی عصاسی بیلن باله‌لرنی اطرافیدن اوزاقلشتیره‌دی.
بیر مدت 17 یاشیده بولگن ییگیت نینگ بو وضعیتی‌نی کوردیم و اوندن کیین تیتره‌لی آدیم‌لر بیلن قمرالدین گه یقینلشدیم؛ گرچند مین بیلن صحبت قیلیش گه قیزیقمه‌یدی، بیراق هر بیر حالت‌ده یانیده اولتیردیم.
کورینیشیچه، ساغلیک و روحی حالتی اوزاق زماندن بویان یخشی بولمه‌گن. مین بیرینچی‌دن سوز آچدیم و اوندن باشیدن اوتگن قضیه‌لرنی قصه قیلیش‌لرینی سوره‌دیم.
قمرالدین نینگ بی‌میل‌لیک بیلن ایتیشیچه، فاریاب ولایتی پشتونکوت تومنی نینگ اهالیسی دیر و نیچه مدت آلدین ناقانونی شکلده مهاجرت یولینی آلگن، بیراق ایران چیگره‌سی نینگ عسکرلری تامانیدن قولگه آلینیب و قیناققه سالینگنی باعث، روحی حالتی زیان کورگن.
قمرالدین نینگ ایتیشیچه، ناقانونی شکلده بیرقطار دوست‌لری بیلن بیرگه ایران تامان یول آلگن، بیراق یولده قاچاقچی‌لر تامانیدن ساتیلگن و نتیجه ایران عسکرلری نینگ قولی گه توشگن. قمرالدین نینگ ایتیشیچه، ایران عسکرلری اولرنی کلتک‌لب و بیر اردوگاه ده انتقال بیرگن، «بو اردوگاه حیوانلرگه هم مناسب بولمه‌گن و او ییرده مجبوریت‌دن کیچه-کوندوزنی اوتکزیشگن.»
.jpg)
قمرالدین و دوست‌لری ایراندن سورگون ایتیلگن، بیراق کم‌بغل‌لیک ینه‌ده اونی مهاجرت گه مجبورله‌یدی. بو مرته هم او روایایی حیات گه ایریشیش اوچون ناقانونی یولنی تنله‌یدی. او بو مرته ایران گه ییتیشه‌دی و بیر بناده ایش گه باشله‌یدی. نیچه مدت اوتگنیدن سونگ، ینگی قوریله‌دیگن بنانینگ تورتینچی قبتی‌دن توشیب کیته‌دی و چپ آیاغی دایمی شکلده ناگران بوله‌دی.
قمرالدین بار و یوقی‌نینگ آیاغی‌نی درمان قیلیش گه صرفله‌یدی، بیراق توزه‌لمه‌یدی و داکترلرنینگ ایتیشیچه، قالگن حیاتی‌نی عصا بیلن اوتکزیشی کیره‌ک.
بو ییرگه ییتیشگنده جیم قالدی و بونده‌ی شکلده سوز ریشته‌سی کیسیلدی. قمرالدین عایله اعضاسی بیلن صحبت قیلیش گه قصد قیلدیم. قمرالدین نینگ ابه‌سینی اوغلی محمدآصف نینگ ایتیشیچه، قمرالدین افغانستان گه قیتگنیدن سونگ، عصبی قیین‌چیلیک‌لرگه چالینگن. اونگه کوره، قمرالدین عصبی بولگن آنه‌سی شامل برچه بیلن عصبی‌لشیب گپیره‌دی.
فاریاب ولایتی بوییچه مهاجرلر ریاستی باش‌پناه ایزلاوچی‌لر بولیمی آمری محمدنسیم نینگ سلام‌وطندارگه ایتیشیچه، بو ولایتده ناقانونی مهاجرلر کونساین کوپه‌یماقده. اونگه کوره، کونده سورگون ایتیلگن 30-40 کیشی بو ریاست گه مراجعت قیلیشه‌دی و قوشنی مملکت‌لرگه ناقانونی مهاجرت‌لرنینگ رقمی یوقاریلیگی‌دن حکایت قیله‌دی.
مهاجرت بوییچه خلق ارا تشکیلاتی یا-ده آی‌او‌ام تامانیدن بیریلگن رقم اساسیده، افغانستانده‌گی هر اوچ کیشی‌دن بیرته‌سی مملکت‌نی ترک قیلیشگن و حاضر 6 میلیوندن آرتیق افغانستانلیک مهاجر دنیانینگ تورلی مملکت‌لریده مهاجر صفتیده حیات کیچیره‌دی و بو رقم جوده هم یوقاری دیر.
ناقانونی مهاجرت گه یوق دینگ!
شو توغریده…
