سونگی ییل‌لرده مملکت ده‌گی موجود ناتینچلیک‌لر و ایش‌سیزلیک‌لر ناقانونی مهاجرلیک کوپه‌ییشی گه سبب بولگن، بیراق حال بوکه قطار کیشی‌لر مست‌لیک دن ناقانونی مهاجرلیک‌که قول اوریشه‌دی. بو کیشی‌لرنینگ توشونچه‌سی اساسیده، مملکت دن تشقری بولگن حیات رویالی و مهنت‌سیز دیر.
اوشبو کیشی‌لردن بیری عبدالله بولیب بلندپروازلیگی سبب کابل‌ده‌گی وظیفه‌سینی ترک ایتیب و عایله‌سیدن رخصت‌سیز مهاجرلیک قیلگن. او، چیت‌ایللیک اداره‌لردن بیری ده عکاس صفتیده فعالیت قیلر ایکن.
26 یاشیده بولگن عبدالله ایکی ییل آلدین ناقانونی مهاجرلیک آرقه‌لی، اروپا مملکت‌لریدن بیریده باریشگه قرار قیله‌دی. او 4 ییل آلدین هم ناقانونی مهاجرلیک آرقه‌لی، اروپا باریشگه قرار قیلگن ایدی، بیراق عایله‌سی نینگ جدی قرشی‌لیگی بیلن روپه‌ره بولگن ایدی.
عبدالله بو مرته عایله‌سینی جریانده قویمه‌سدن و یاشیرینچ‌لی شکلده مهاجرلیک قیلیش‌گه قرار قیلدی.
اونینگ ایتیشیچه، موتری‌نی ساتگن و بیر مقدار پول دوست‌لریدن قرض آلیش بیلن ناقانونی مهاجرلیک یولی‌گه چیقگن.
دوست‌لریدن بیری، عبدالله نی بیر قاچاقچی‌گه تانیشتیرگن، بیراق او قاچاقچی نامعلوم دلیل‌لر باعث، عبدالله‌نی آلیب بارمه‌گن.
او، دوست‌لری نینگ یاردمی بیلن باشقه بیر قاچاقچی‌نی تاپه‌دی، بیراق مذکور قاچاقچی عبدالله و اونینگ همراه‌لریدن یولگه چیقمسدن آلدین قاچاقچی‌لیک پول‌نی بیریشی نی سوره‌یدی. عبدالله و همراه‌لری یولگه چیقمسدن آلدین هیچ‌قنده‌ی ضمانت بولمه‌گن بیرحالده، قاچاقچی نینگ برچه پولی‌نی بیره‌دی.
عبدالله نینگ ایتیشیچه، دوست‌لری و باشقه 30 کیشی بیلن هیچ‌قنده‌ی قیین‌چیلیک چیقمه‌سدن نیمروز ولایتی‌گه باره‌دیلر و بیرینچی کیچه‌نی کمیده 3 مینگ کیشی بیلن بیر ییرده اوتکزه‌دیلر و ایکی کون جریانیده مذکور 3 مینگ کیشی ایران تامان یولگه چیقه‌دی، بیراق عبدالله و دوست‌لری نینگ کاروانی حرکت قیلمه‌یدی.
اونینگ ایتیشیچه، ینه ایکی کون او ییرده قاله‌دیلر، لیکن قاچاقچی‌دن هیچ‌قنده‌ی خبر بولمه‌یدی و قاچاقچی بیلن رابطه‌لری هم یوق. اونینگ ایتیشیچه، اوچ کون کوتیب تورگنی‌دن سونگ، قاچاقچی نی بنگی وار ماده قاچاقی عیبی بیلن ایران پولیسی تامانیدن قولگه آلینگنی‌دن خبر بوله‌دیلر.
عبدالله نینگ کوپه‌یتیریشیچه، او قاچاقچی، انسان قاچاقی چکه‌سیده بنگی‌وار ماده‌لرنی هم قاچاق قیله‌ریکن.
اوشبو واقعه‌دن سونگ، عبدالله کابل‌گه قیتیشگه مجبور بوله‌دی. بو ییرده عایله اعضالری تامانیدن سرزنش قیلینه‌دی و باشقه تاماندن ایشی‌نی قولدن بیرگن.
حاضرده عبدالله کمیده 30 مینگ دالر قرضدار. او، حاضرده کابل‌نی ترک قیلگن و مزارشریف شهریده حیات کیچیره‌دی، بیراق کمیده 1 بیر ییل اوتیش بیلن هم مناسب بیر ایش تاپمه‌گن.
عین‌حالده، مهاجرلیک معلومات مرکزی مسوولی سیدشاه حسین هنریارنینگ ایتیشیچه، اوشبو نهاد ناقانونی مهاجرلیک خصوصیده معلومات بیریش برنامه‌نی اهالی‌گه تعلیم بیره‌دی.
اونینگ ایتیشیچه، حاضرده کرونا ویروسی چیقگنی باعث، اولر مهاجرلیک خصوصیده معلومات بیریش اوچون بیلیم یورت‌لر و انستیتوت‌لرگه باره آلمه‌یدیلر، بیراق برنامه‌لری آنلاین شکلده دوام قیلماقده.
باشقه تاماندن مهاجرلیک وزیرلیگی نینگ مطبوعاتی مسوولی سیدعبدالباسط انصاری نینگ سلام‌وطندارگه ایتیشیچه، اوتگن قویاش ییل‌ده 330 مینگ مهاجر تورلی مملکت‌لر اینقسه ایران دن افغانستان‌گه کیلگن.
اونینگ کوپه‌یتیریشیچه، شونینگدیک، اوتگن ییل 55 مینگ مهاجر پاکستان دن افغانستان‌گه کیلگن ایدیلر.
ناقانونی مهاجرلیک‌که یوق دیب قوینگ!
