بغلان ولایتی دوشی تومنینینگ یشاوچیلریدن بیرقطاری، سیلاولر شکایتلرینی تینگلش کمیسیونی برابریده توپله‌نیب سید داوود نادری و سید جعفر نادرینینگ آتلرینی نماینده لرکینگشی نامزدلرینینگ رویخطیدن چیقاریلیشی نی ایسته‌گنلر.
اولرنینگ ایتیشیچه، نادری عایلهسی بغلان ولایتی اینقسه دوشی تومنینینگ درهکیان یشاوچیلرینی سیستماتیک شکلده اولدیریب و شکنجه قیلگن.
اولرگه کوره، نادری عایله اعضالری نماینده لرکینگشیده یول تاپگن صورتده، درهکیان ده اولدیریش و زورهوانلیک قیتهدن باشله‌یدی.
ناراضچیلرنینگ ادعاسیگه کوره، نادری عایلهسی ظاهرشاهنینگ حاکمیتیدن حاضرگهقدر 120 کیشی نی اولدیرگن بیراق عدلی و قضایی نهادلر قربان بولگنلر عایلهلرینینگ ایستهک لریگه دقت قیلمهگن.
ناراضچیلردن بیری نورمحمدنینگ ایتیشیچه، نادری عایلهسی، رقیبلرینی کوچیک بیلن شکنجه قیله‌دی.
دوشی تومنینینگ درهکیان یشاوچیلریدن باشقه بیری حفیظاللهنینگ ادعا قیلیشیچه، سید داوود نادری 1394-ییل فرزندینی دوشی تومنینینگ کسلخانه سیگه اولدیرگن، بیراق عدالی و قضایی نهادلر حاضرگهقدر بو توغریده دقت قیلمهگن.
بیراق نادری عایله اعضالرینینگ اوشبو ادعالرنی رد قیلیب ایتیشیچه، درهکیان ده بولگن اولدیریش و جنایت لرگه اولرنینگ دخالتی یوق. اولرنینگ ایتیشیچه، ناراضچیلرنینگ حجتلری بولگن صورتده عدلی و قضایی نهادلرگه تاپشیریشلری کیرهک.
سید داوود نادری کابل ولایتیدن و سید جعفر نادری بغلان ولایتیدن اوز لرینی نماینده لرکینگشی ده نامزد قیلگنلر.
کوپینچه سعی و حرکت بیلن سیلاولر شکایتلرینی تینگلش کمیسیونی فکرینی آلیش‌گه موفق بولمهدیگ، بیراق مذکور کمیسیون بوندن آلدین شکایتلرنی آلیش زمانی یکونلنگنی دن خبر بیرگن ایدی.
