ناتونینگ عمومی باشلیغی ینس‌استولتنبرگ افغانستان تینچلیک مذاکره‌سیدن حمایت ایتیشنی معلوم قیلدی. ناتو ترورچی گروه‌لرنینگ تهدیدیگه قرشی فعالیتی‌گه دوام ایته‌دی.
ناتو باشلیغی، بو تشکیلات نینگ افغانستان‌ده اوروش رولی پایانی‌گه ییتگن و حاضر ایسه خلق ارا حربیلرنینگ 13 مینگ عسکری افغان ملی کوچلرینی تورلی ساحه‌لرده تعلیم بیریش بیلن مشغول دیگن.
استولتنبرگ، ناتو تشکیلاتی نینگ افغانستان‌ده‌گی ماموریتی میلادی 2009- ییل‌ده اوزگرگن ایدی و هلی ایسه ناتو حربیلری فقط افغان ملی قوشینلریگه مصلحت بیریب کیله‌دی دیگن.
سونگی نیچه ییل جریانیده ناتو حربیلری افغانستان‌نینگ 350 مینگ‌دن عبارت حربیلریگه مصحلت بیرگن لیگینی بیلدیردی جناب ینس. اونینگ تعبیریچه، افغان ملی کوچلری‌نینگ حربی قابلیتی آشگن.
عین حالده، ناتونینگ باش کاتبی خلق ارا حربی قوشینلرنینگ افغانستان‌ده‌گی ماموریتی افغان عسکرلری حربی قابلیتی‌نی کوتاریش و یاردم کورسه‌تیش دیدی.
افغانستان ملی کوچلری‌نینگ کوچ‌سیزلیگی‌گه اشاره قیلگن ناتو نینگ باش کاتبی، بو توغریده بعضی بیر گزارشلر بیزگه ییتیب کیلگن دیگن. لیکن، هنوز بو حقده رسمن حجت‌گه قول تاپمه‌گن میز دیدی تشکیلات باشلیغی.
او، ناتو هیچ بیر زمان رسمی مسکو بیلن توقنشیش‌نی ایسته‌مسلگینی بیلدیرگن. ینس استولنتبرگ، ناتو تشکیلاتی قاره دینگیزده اوز حربی نظارتلرینی آشیریشی ممکن‌لیگی توغریسیده اشاره ایتگن.
شونینگدیک تشکیلات نینگ عمومی باشلیغی: « هر قنده‌ی مساله‌گه عکس‌العمل کورسه‌تیش قابلیتی‌گه» ایگه ایکن‌لیکلر باره‌سیده علیحده تاکید ایتگن.
ناتو، افغانستان‌ده‌گی حربیلری تقدیری باره‌سیده کیلگوسی آیده سونگی قرار آلیشی کوتیله‌دی. عین حالده، ناتونینگ رهبری اسلامی دولت حرکتی بولمیش داعش شکست بیرلیشی اوستیده ینه بیر بار تاکید قیلگن. شونینگدیک داعش‌گه قرشی وجودگه کیلگن ائیلاف‌نی حمایت قیله‌میز دیگن ینس استولتنبرگ.
ایرته اوتکزیله‌جک ییغین‌ده گروهی مدافعه قنده‌ی لیگی، امریکالیک حربیلر سانی آشیریلیشی و بو مملکت‌نی اروپاده‌گی حربی حضوری اوچون بیره‌جک وعده‌سی و باشقه بیر قنچه مساله‌لر هم محاکمه بوله‌دی دیگن جناب ینس.
ینس، بو تشکیلات نینگ چمه‌سی 40 مینگ حربی تیز یاردم قوشینی بار بولر اروپانینگ شرق قاره دینگیزیده قیریق بولیمده ییرلشگن دیدی.
ناتونینگ باش کاتبی تشکیلات نینگ بیرینچی نییتی اوزینی مدافعه قیلیش اوچون مملکتلرنی کوچلنتیریش دیگن. تشکیلات ایسه بو نیت‌گه ایریشیش اوچون هیچ قنده‌ی سعی و حرکت‌نی اوزیگه توسیق بیلمه‌یدی.
امریکا قوشمه ایالتلری اوتگن کون مدافعه‌وی بودجه‌سینی اعلان قیلدی دیگن جناب ینس. بو ایسه اروپا شرقیده اقش حربلری سانی آشیریلیشی اوچون هم کومک قیله‌دی دیدی او.
استولنتبرگ، اروپاده امریکا حربیلری سانی آشیریلیشی بیر احتاج دیگن. او، اوتگن ییل نینگ مدافعه‌وی خرجتی 10 میلیارد دالر کوپه‌یگن و بو رقم ایسه جاری ییل جون آییده ینه هم کوپه‌یتیریلشی ممکن دیدی.
بریتانیا نینگ منچستر سالن کنرستی‌ده اویوشتیریلگن هجوم باره‌سیده اشاره قیلگن ناتو باش کاتبی ناتوگه اعضا دولتلردن آزاد جمعیت قدریتلریدن حمایت قیلیش‌نی طلب قیلگن. اونینگ اهالی‌گه خطاب قیلیب ایتیشیچه، بونده‌ی هجوملردن قورقمس‌لیکلرینی سوره‌گن.
اوتگن کون ایرتلب بریتانیا نینگ منچستر شهریده یوز بیرگن پارتلش‌ده کمیده 20 کیشی هلاک بولدی. حادثه‌ده 50 گه یقین انسان آغیر و یینگیل یره‌لنگندی. پارتلش مسوولیتی‌نی داعش توده‌سی ذمه‌سی‌گه آلدی.
