افغانستان بوییچه ناتونینگ ملکی ایلچیسی استیفانو پونتیکورو نینگ سلام‌وطندار بیلن اوتکزگن صحبتی‌ده ایتیشیچه، حاضرده طالبان تامانیدن زوروانلیک کوپ‌لیگی تینچلیک جریانیگه توسیق بولگن.
اونینگ ایتیشیچه، طالبان گروهی تینچلیک‌نی کیلتیریش‌گه تعهدلی، بیراق امنیتی کوچلر و تینچ اهالی‌گه قرشی زوروانلیکلر کوپیب و دوام قیلیشی تینچلیک خصوصیده بولگن فرصت‌نی خطر بیلن دوچ قیلگن.
افغانستان بوییچه ناتونینگ ملکی ایلچیسی، طالبان گروهی دن القاعده و باشقه تروریستی گروه‌لر بیلن رابطه‌سینی توخته‌تیب قویشی‌نی سوره‌گن.
اونینگ کوپه‌یتیریشیچه، ناتو دایمی شکلده افغانستانده قالیش‌نی ایستمه‌یدی، بیراق افغانستانی تروریست‌لر اوچون تینچ جای بولیشی‌گه رخصت بیرمه‌یدی.
جناب پونتیکورو نینگ ایتیشیچه، اوشبو تشکیلات افغانستان تینچلیک جریانیدن حمایت قیله‌دی و ناتو حربی‌لری نینگ حضوری شرایط اساسی‌گه دیر.
ناتونینگ ملکی ایلچیسی: مین ایکی تاماندن محبوس‌لرنی قوییب یوباریلیشی خصوصیده بولگن قیین‌چیلیک‌لرنی تیزلیک‌که حل قیلیش‌لرینی ایسته‌یمن چونکه مذکور قیین‌چیلیک‌نی حل ایتیلیشی بیزنی افغانستان‌لیکلر ارا سوزلشوولرگه یقین قیله‌دی.
جناب پونتیکورو، القاعده و داعش تروریستی گروهی و شونینگدیک، اولرنی طالبان بیلن بولگن استخباراتی رابطه‌سینی ناتو تشکیلاتی اوچون خواطرلنترووچی عنوان قیله‌دی. اونینگ ایتیشیچه، ناتو افغانستانی تروریست‌لر مرکزیگه اوزگرمه‌یشی اوچون حضور تاپگن.
ناتونینگ ایلچیسی‌گه گوره، طالبان گروهی دوحه شرطنامه‌سیده تروریست‌لر بیلن رابطه‌سینی توخته‌تیب قویش‌نی قبول قیلگن و حاضرده عمل قیلیشی کیره‌ک.
