.jpg)
افغانستان فوتبال فدراسیونی‌ده اخلاقی فساد موجودلیگی توغریسیده اوتگن هفته بریتانیالیک کونده‌لیک گاردین آرقه‌لی گزارش ترقه‌تیلدی. اوشبو گزارش اساسیده، افغانستان فوتبال ملی تیمرمه جماعه‌سی‌نینگ عیاللریدن بیرقطاری، مذکور فدراسیون‌نی باشلیغی و مدیرلری تامانیدن جنسی زوره‌وانلیک‌لرگه دوچ کیلگن‌لر.
اوشبو گزارش ترقه‌تیلگنیدن سونگ، فوتبال فدراسیونی‌دن بولگن تنقیدلر اوج آلدی و قطار کیشی‌لر بو موضوع جدی شکلده تیکشیریلیشی‌نی سوره‌دی. تنقیدلر کوپه‌یگنیدن سونگ، فوتبال فدراسیونی کابل‌ده خبری بیر ییغین یولگه قوییب کیریتیلگن برچه عیب‌لاولرنی رد قیلیب ایتیشیچه، بو عیب‌لاولر افغانستان عیاللر ملی تیمی گه چقیریلمه‌گن سابق اویین‌چی‌لردن بیرقطاری تامانیدن بیان ایتیلگن.
بو بیرینچی مرته ایمس کیم، افغانستان رسمی‌لری‌نینگ جنسی زوره‌وانلیک‌لری فاش ایتیله‌دی. نیچه وقت آلدین هم، هوا کوچلری‌نینگ باش طبیبی غلام رسول آتلی کیشی‌نینگ جنسی زوره‌وانلیک فلمی اجتماعی ترماقلرده نشر ایتیلدی و جدی تنقیدلرگه سبب بولدی. شونینگدیک، معینیت‌لردن بیریده ایش سوره‌ب بارگن عیاللرنی بیریدن معین‌نینگ جنسی علاقه سوره‌گن مسیج‌لری اجتماعی ترماقلرده ترقه‌لدی.
فوتبالچی عیاللردن جنسی سوءاستعمال قیلینیشی توغریسیده بولگن گاردین کونده‌لیگی‌نی گزارشی عیاللرگه قرشی زوره‌وانلیک آلدی آلینیش 16 کونلیک کمپاین یولگه قوییلگن بیرچاغده نشر ایتیلدی و عکس‌العمل‌لر کوپه‌ییشی گه سبب بولدی.
عیاللردن بیرقطاری، نیچه ییل‌دن بویان هر کون 25- نوامبردن 5- دسامبرگچه تورلی طریقه‌لر بیلن عیاللرنینگ حقلریدن مدافعه قیله‌دیلر و بو ییل گاردین گزارشی نشر ایتیلگنیدن سونگ، مین هم (Meetoo) کمپاینی یولگه قوییلدی.
اوشبو کمپاین‌نی یولگه قویگن‌لردن بیری سمیرا سادات نینگ ایتیشیچه، بو کمپاین‌ده 150 دن آرتیق عیال اشتراک قیلگن و شونینگدیک، ایرکک‌لردن بیرقطاری، اولردن حمایت قیلگن. اونینگ ایتیشیچه، بونده‌ی کمپاین‌لر یولگه قوییلیشی کیشی‌لر منسجم شکلده عیاللرگه قرشی زوره‌وانلیک‌لر آلدی آلینیشی توغریسیده کوره‌شی گه سبب بوله‌دی.
خانم سادات نینگ ایتیشیچه، اوتمیش‌لرده اولرنینگ نیچه کیشی‌لیک گروهی عیاللرگه قرشی زوره‌وانلیک‌لر آلدی آلینیش کمپاینی جریانیده افغانستان عیاللری‌نینگ حیاتی‌دن نقاشلیک، فوتوگراف و مستند داستان یازیش کورگزمه‌لر تیارله‌یدی ایکن و بو ییل هم زوره‌وانلیک‌که دوچ کیلگن عیاللرنینگ تجربه‌لرنی توپلب و کمپاین یکونلنگنیدن سونگ، اولرنی چاپ ایتیش گه قرار قیلگن‌لر.
خانم سادات نینگ ایشانچی گه کوره، سپورتچی عیاللر یا-ده عیاللردن هر بیری گه قرشی حرمت‌سیزلیک کیچیریم سیز دیر و بو کمپاین عیاللرگه قرشی زوره‌وانلیک‌لر آلدی آلینیشی اوچون عیاللرنینگ کته حرکت‌لری اوچون باشلنغیچ بولیشی کیره‌ک.
اوشبو کمپاین اشتراکچی‌لریدن باشقه بیری نجیبه نوری‌نینگ ایتیشیچه، بونده‌ی کمپاین‌لر یولگه قوییلیشی عیاللرگه جنسی زوره‌وانلیک‌دن تجربه‌لرینی باشقه‌لر بیلن شریک قیلیش گه جرأت بیره‌دی. نجیبه نینگ کوپه‌یتیریشیچه، قطار کیشی‌لر بو کمپاین‌ده اشتراک قیلیب و عیاللرگه قرشی قیلگن زوره‌وانلیک‌لرینی تَن آلیب و حاضر پشیمانلیک بیلدیرگن.
اوشبو عیاللردن بیرقطاری‌گه کوره، افغانستانده، عیاللرنینگ تورلی عرصه‌لر و یوقاری پست‌لرگه فعالیت قیلیش‌لری، قطار حساسیت‌لرنی اورته‌گه چیقاره‌دی.
.jpg)
فعال عیاللردن بیری مهسا قربانی‌نینگ ایتیشیچه، عیاللرگه قرشی زوره‌وانلیک‌لر برابریده جیم توریش اولرنینگ عفده‌یی بولیشی‌گه سبب بوله‌دی و شونینگدیک کمپاین‌لرنینگ یولگه قوییلیشی عیاللرنینگ اعتراض قیلیش خصوصیده جرئت تاپیشی‌گه سبب بوله‌دی.
عین‌حالده، قطار ایرکک‌لر هم اوشبو کمپاین‌گه اشتراک قیلگن‌لر. اولرنینگ ایتیشیچه، جنسی زوره‌وانلیک یالغیز عیاللر ایمس، بلکیم ایرکک‌لرگه قرشی هم یوز بیره‌دی.
بو کمپاین‌گه اشتراک قیلگن یاشلردن بیری جواد زاولستانی‌نینگ ایتیشیچه، جنسی زوره‌وانلیک‌نی عیاللر و ایرکک‌لرگه قرشی صورت تاپیشی ممکن و اوشبو موضوعی‌نی خاص جنسیت‌گه ارتباط بیریش کیره‌ک ایمس.
شونینگدیک کاظم احسان‌نینگ ایتیشیچه، عیاللرگه قرشی زوره‌وانلیک‌لرنی کمه‌یتیریش اوچون تجربه‌لرنی عیاللر آره‌سیده شریک قیلیش زمینه‌سی‌نینگ ییره‌تیلیشی کیره‌ک. اونینگ ایتیشیچه، ایرکک‌لر آره‌سیده هم جنسی زوره‌وانلیک‌لر یوز بیره‌دی و اوشبو موضوع خصوصیده ایرکک‌لرگه معلومات بیریش لازم.
عین‌حالده، نماینده‌لر کینگشی اعضالری‌نینگ فوتبال فدراسیونی‌گه صورت تاپکن واقعه‌‌دن تنقید قیلیب ایتیشیچه، مذکور قضیه اویت‌سیز دیر و اونینگ جدی صورتده تیکشیریلیشی کیره‌ک.
مذکور کمپاین‌گه اشتراک قیلگنلرنینگ ایتیشیچه، اقتصادی و فکری لحاظ دن عیاللرنینگ استقلالیتی بولگنی، اولرگه قرشی زوره‌وانلیک‌که توسیق بوله‌دی.
عیاللرگه قرشی زوره‌وانلیک‌لرنی کمه‌یتیریش اوچون مدنیت و معلومات وزیرلیگی تامانیدن یولگه قوییلگن 16 کونلیک کمپاین "ایرته" یکونلنیشی ممکن.
