فاریاب ولایتیده نا تینچلیک، آدم اوغیرلش، ترور و قوراللی اوغیرللیکلر آشگنی آرتیدن مذکور ولایتنی امنیتی مسووللری، بوندن بویان ناقانونی قوراللی شخصلر و مردمی کوچ حربیلری شهر ایچیده اوز باشیمچه گیزیش حقیگه ایگه ایمسلیکلر توغریسیده قرار آلگن.
فاریاب پولیس قوماندانی عبدالنبی الهام بوگون (یکشنبه) خبری بیر اولتیریشده، امنیت تامین بولیشی میمنه شهری اهالیسی‌نینگ تشویشیگه پایان بیریش مقصیده بوندن بویان شهر ایچیده ناقانونی قوراللی شخصلر و مردمی کوچلر اوتیب قیتیشی اوچون رخصت بیریلمیدی دیگن. اونینگ سوزلریگه کوره، بوندن بویان ملی کوچلر شهر ایچیده بونده‌ی بیر وضعیت گواهی بولگن حالده تخلف قیلگنلر بیلن قانون یوزه‌سیدن یانده‌شه‌دی دیدی.
بو تدبیرنی خوش قرشیله‌گن مردمی کوچ قوماندانی، قوللری آستیده بولگن کوچلری بو قرارگه حرمت قیلیشلرینی سوره‌شنی بیلدیرگن.
فاریاب ولایتیده شمال نامی بیلن شهرت قازانگن عبدالرحمان ولایت امنیه قوماندانلیگی نینگ بو قرارینی حمایت قیلیب، نا قانونی قوراللی شخصلردن بوندن بویان شهر ایچیده قوراللنیب یوریمسلیکلر باره‌سیده تاکید قیلگن.
میمنه شهری‌نینگ اهالیسی قوراللی طالبلردن کوره ناقانونی قوراللی شخصلردن کوپراق خواطر بیلدیرگن بیر پیتده ولایت امنیه قوماندانی بو خصوصیده قرار قبول قیلگن.
