بروکسل‌ده خبرچی‌لرگه صحبت بیرگن افغانستانده‌گی کیسکین حمایه‌وی کوچلر قومندانی جنرال اسکات میلرنینگ ایتیشیچه، افغانستانده داعش گروهی نینگ حضوری جدی تهدید دیر. او، داعش گروهی گه قرشی کوره‌ش خصوصیده، افغانستان امنیتی کوچلری گه مصلحت، تعلیمات و یاردم بیریلیشی اوچون ناتو تشکیلاتی نینگ رولی اوستیگه تأکید قیلگن.
جناب میلرنینگ کوپه‌یتیریشیچه، افغانستانده داعش گروهی نینگ حضوری میش-میش و شبه ایمس دیر، بلکیم بو گروه افغانستان نینگ بیرقطار ولایت‌لریده کینگ شکلده فعالیت قیله‌دی.
افغانستانده‌گی کیسکین حمایه‌وی کوچلر قومندانی گه کوره، داعش گروهی نینگ نظارتی‌ده بولگن منطقه‌لرده کیشی‌لرنینگ باریب و کیلیشی قیین بولگنی باعث، مذکور گروه نینگ جنگریلرینی تخمین قیلیب بولمه‌یدی.
شونینگدیک، اوتگن هفته بروکسل‌ده ناتو مدافعه وزیرلری ییغینیده ناتو باش کاتبی ینس استولتنبرگ نینگ ایتیشیچه، سوریه و عراق ده داعش گروهی خلافتی‌نی قولدن بیرگن و افغانستانده خلافت ایجاد قیلیش اوچون سعی و حرکت قیله‌دی. اونینگ اورغولشیچه، عصیانچیلرگه قرشی افغانستان کوچلرینی حمایت قیلیش، سوریه و عراق ده داعش گروهی گه قرشی کوره‌ش گه باغلیق بوله‌دی.
