.jpg)
افغانستان نماینده‌لر کینگشی‌ده میدان‌وردک ولایتی نینگ نماینده‌سی مهدی راسخ نینگ سلام‌وطندارگه ایتیشیچه، محلی حکومت تشکیلاتی‌ده هزاره یشاوچیلری نینگ سهمی اوشبو ولایت هزاره‌لری نینگ جمعیتی گه قره‌گنده هیچ بولگن. اونگه کوره، میدان‌وردک محلی حکومتی نینگ تشکیلاتی‌ده یالغیز بیر هزاره شامل قیلینگن.
عین دمده، میدان‌وردک جمعیتی‌دن کمیده یریمی نینگ هزاره‌لر تشکیل بیره‌دی.
هزاره‌لرنینگ جمعیتی‌نی ملی کینگش‌ده مذکور ولایت نینگ سهمی‌دن تخمین قیلیب بوله‌دی؛ نماینده‌لر کینگشی‌ده 5 نماینده دن 3 ته‌سی و ولایتی کینگش نینگ 15 اعضاسی دن 8 ته‌سی هزاه بولگن.
جناب راسخ بونده‌ی تشکیلات نی عدالت‌سیزلیک بیلیب ایتیشیچه، میدان‌وردک ولایت مقامی‌ده 42 ییریک چوکی‌دن یالغیز بیر هزاره عیال مستوفی صفتیده فعالیت قیله‌دی.
.jpg)
اوشبو نماینده‌نینگ ایتیشیچه، بو موضوع نی محلی رسمی‌لر بیلن شریک قیلگن، بیراق قانیقرلی جواب قولگه کیریتمه‌گن و حاضر بو «عدالت‌سیزلیک و ظلم» نی نماینده‌لر کینگشی بیلن شریک قیله‌دی.
میدان‌وردک حاکمی سوزلاوچیسی محب‌الله شریفزی نینگ سلام‌وطندارگه ایتیشیچه، بو ولایتده محلی حکومت تشکیلاتی ده قوملر ترکیبی رعایت قیلینگن و بو ادعالر ناتوغری دیر. اونگه کوره، مذکور ولایتده محلی حکومت نینگ بوتون چوکی‌لری اداری اصلاحات ایرکین کمیسیونی نینگ سیناوی آرقه‌لی آلینه‌دی.
میدان‌وردک ولایتی افغانستان نینگ مرکزی ولایت‌لریدن بیری سنله‌دی. بو ولایت، کابل، پروان، بامیان، غزنی و لوگر ولایت‌لری بیلن چیگره‌داش بولیب و مساحتی 9023 کیلومتر مربع دییله‌دی.
