معارف وزیرلیگی بیلن ساغلیقنی سقلش وزیرلیگی ارا مکتب لرده گی اوقوچیلرگه ساغلیقنی سقلش خدماتی تیکین بیریلیش کیلیشووی‌گه قول قویلدی.
ساغلیقنی سقلش وزیری داکتر فیروز الدین فیروز گه کوره، اوقووچیلر وضعیتی یخشی له‌نیشی بیلن اولرنینگ ایجابی اورگه‌نیش گه علاقه لنتیریب، فکری آسایشته‌لیگی گه ایریشه دیلر.
بوکیلیشوو اساسیده، اولکه بویلب مکتب‌لرده ساغلیقنی سقلش خدماتی اوقووچیلرگه منتظم شکلیده ارایه بولیب، اولرنینگ جسمی، روانی کسل‌لیک‌لر تیکشیریله دی.
مکتب لرده ساغلیقنی سقلش جهازلری اوچون جعبه‌لر توزه تیلیشی کوزگه توتیلگن. عامه ساغلیق وزیرلیگی گه کوره، مذکور لایحه دوام دار شکلیده اوقووچیلرگه ارایه ایتیله‌دی.
عین‌حالده، معارف وزیری اسدالله حنیف بلخی، بو توغریده آدیم کوتارگن ایکّی وزیرلیک‌نینگ ایشی اوقووچیلر سلامت‌لیگی همده بیلیم سطح‌لری آشیشی اوچون ایجابی بیر حرکت دیگن. شونینگ‌دیک جناب بلخی بو حرکت مملکت معارف وزیرلیگی اوچون فایده‌لی دیگن. مملکت معارف وزیری، مکتب‌لرگه کورسه تیله‌دیگن برچه صحی خذمت‌لرنینگ مبلغی مذکور وزیرلیک‌نینگ رواجلنتیریش بودجه‌سیدن توله‌نیله‌دی. اونگه کوره، احتیاج سیزیلگن تقدیرده همکارلیک قیله‌دیگن مملکت‌لردن یاردم سوره‌له‌دی. معارف وزیرلیگی نینگ حساباتی‌گه کوره، حاضرگی کونده مملکت بویلب 17 مینگ مکتب فعال و 500 مکتب ایسه اوقووچیلر یوزیگه یاپیق قالماقده.
