بوگون «یکشنبه» جلالآباد شهریده موترسایکل ایشلهتیشلردن بیرقطاری، اوشبو نقلیه واسطهدن فایدهلنیشنی منبع ایتیشگه قرشی ناراضیلیک بیر نمایش اوتکزیب و ولایت مقامی دفتری اونگیده اعتراضی خیمه قورگنلر.
ننگرهار محلی حکومت، جلالآباد شهری و اونگه یقین تومنلرده موترسایکلدن فایدهلنیشنی منبع قیلگن و بو موضوع بوگون ناراضیلیک نمایش گه سبب بولگن.
اوشبو چیکلاو نیچه وقت دن بویان مذکور ولایتده ناتانیش قوراللی کیشیلر موترسایکلدن فایدهلنیب امنیتی کوچلر و تینچ اهالیلرنی هدف قرار بیریشیدن سونگ تعیین ایتیلگن.
اعتراضچیلرنینگ ایتیشیچه، حکومت موتر سایکللردن فایدهلنیشگه قرشی چیکلاو تعیین قیلیش اورنیده، ولایت خوفسیزلیگینی تأمینلشی کیرهک.
ننگرهار ولایتیده موترسایکلدن فایدهلنووچی بیرلیک اعضالرینینگ ایتیشیچه، حکومت قانونی حجتی بولگن نقلیه واسطهلر فایدهلنیشیگه قرشی چیکلاو تعیین ایتیشی جاییده قانونی طریقهلردن فایدهلنیب خوفسیزلیکنی تأمین قیلیشی لازم.
اولرنینگ کوپهیتیریشیچه، ننگرهار ولایتیده چمهسی 10 مینگ موترسایکلنی قانونی حجتی بار و کمیده 3 مینگ کیشی موترسایکل توزهتیش و چیت ایلدن آلیب کیلیش ایشلری بیلن شغللنهدی و موترسایکلدن فایدهلنیش منبع ایتیلگن صورتده، اولر کوپلب زیان کورهدیلر.
اوشبو اعتراضچیلر حکومتدن قانونی حجتی بولمهگن نقلیه واسطهلر آلدی آلینیشینی طلب قیلهدیلر. اولر موترسایکل فایدهلنووچیلردن نقلیه واسطهلری اوچون قانونی حجت آلیشلرینی سورهیدی.
