بیرار پیت ییگیتلر ایش تاپیش و رویایی بیر حیات گه ایریشش اوچون ناقانونی مهاجرلیک یوز کیلتیریب و مذکور یول نی جسمی، مالی و روانی قیینچیلیک‌لریدن خبرسیزلیک‌لری باعث کوپ پول‌لرنی بو یولده صرف‌له‌یدیلر.
نعمت‌الله خیال قورگن حیات گه ایریشش اوچون ناقانونی مهاجرلیک‌که آرقه‌لی ایران کیتیش گه قرار قیله‌دی و شونینگدیک او بو آرزوسی گه ایریشش اوچون برچه بار-یوق نی ساته‌دی.
اونینگ ایتیشیچه، یول آقیمیده کوپینچه قیینچیلیک‌لرنی کورگن، نهایتده ییگیتلر ایران گه باریش اوچون تاغ‌لردن توشیب کیتیب جان بیریشگن.
نعمت‌الله ایران باریش اوچون ناقانونی مهاجرلیک جریانیده کورگن‌لری و یولداش‌لری نینگ جان بیرگنی نی بونده‌ی بیان قیله‌دی: «تاغ‌لرنی اوستیگه ایدیک، یول یوریب پسگه توشه‌یاتگن بیر حالده، بیری نینگ آیاغی سیلجیب کیتدی و هلاک بولدی. بیزلر بیر نیچه تاش نی اوستیگه قوییب دفن قیلدیک. یالغیز بو ایمس ایدی، نیچه جنازه بار ایدی و قبرلری تاغ‌لرنی اوستیگه دیر. یول گه بونده‌ی قیینچیلیکلر بار، بو وضعیتده ایناغه‌نگ هم بولسه یاردم بیره آلمه‌یدی. بیر تاغ بار کیم اونینگ تیپه‌سیگه ییتیشیش اوچون مهاجرلر بیر کون یول یوریدی.»
مذکور ییگیت نینگ ایتیشیچه، ناقانونی مهاجرلیک نینگ اوشبو قیین و اولیم‌لی یولی نینگ جریاینده بیرینچی قاچاقچی او و اونینگ باشقه 3 اورتاغی نی باشقه بیر قاچاقچی گه ساته‌دی و بو قاچاقچی اولردن پول قولگه کیلتیریش اوچون اولگونگه قدر کلتکله‌ب و باشقه بیر ییرده انتقال بیره‌دی.
اونگه کوره، انسان قاچاقچی‌لری پول قولگه کیلتیریش اوچون مهاجرلرنی «قورال و پچاق بیلن قیناققه سالیب و تیرناق و قولاق‌لرینی کیسه‌دی. بیر کرولا موتری گه 15-16 کیشی نی جایلشتیره‌دی.»
نعمت‌الله و اونینگ اورتاق‌لری ناقانونی مهاجرلیک آرقه‌لی ایران باریب و اقتصادی قیینچیلیک‌لرینی حل قیلیش نیتیده ایکنلر، بیراق اولر ایران ده 5 ییل ایشلب و محنت چیککندن کیین بوش قول بیلن افغانستان قیتگنلر.
جوزجان ولایتی نینگ مهاجرلر ریاستی باشلیغی عبدالمالک رستمی نینگ سلام‌وطندارگه ایتیشیچه، مهاجرلیک کارتی گه ایگه بولگن ایران و پاکستان مملکت‌لریدن قیتگن مهاجرلرگه همکار نهادلر آرقه‌لی یاردم بیریله‌دی.
اونگه کوره، خلق‌ارا آذیق-آوقت تشکیلاتی نینگ یاردمی بیلن ایران و پاکستان‌دن قیتگن 127 عایله گه 18، 18 مینگ افغانی پول و 440 عایله گه باش‌پناه قوریش اوچون 500 دالر یاردم بیریلگن.
مهاجرلیک معلومات مرکزی نی اویغونلنتیره‌دیگن سیدشیرحسین هنریارنینگ سلام‌وطندارگه ایتیشیچه، بو اداره مهاجرلیک نینگ یمان نتیجه‌لری توغریسیده اهالی گه معلومات بیریش برنامه‌لرنی ارایه قیله‌دی کیم کرونا ویروسی کینگه‌یگنیدن کیین بو پروسه آنلاین شکلده آلغه باره‌دی.
ییلده مینگ‌لرچه کیشی تینچ بیر حیات گه ایریشش اوچون قوشنی و اروپالیک مملکتلر تامان یول آلیشه‌دی، بیراق بولردن کوپینچه‌سی یول جریانیده اوغیرلاوچی و انسان قاچاقچی‌لری نینگ قولیگه توشیب قربان بوله‌دی.
ناقانونی مهاجرلیک‌که یوق دیینگ!
شو توغریده:
