پکتیا ولایت مرکزی گردیز شهری یشاوچیسی بولگن ضیاالحق 38 یاشر دیر کیم او، ایش‌سیزلیک و اقتصادی قیینچیلیک باعث ناقانونی مهاجرلیک آرقه‌لی ایران بارگن.
او، بیرینچی‌ده ناقانونی مهاجرلیک نینگ یولی قنچه‌لیک خوف‌لی و اولیم‌لی بولگنی نی هیچ فکر قیلمه‌س ایکن.
ضیاالحق نینگ ایتیشیچه، قاچاقچیلر 5 یولاوچی سیغه‌دیگن بیر موتر گه 20 کیشی نی جایلشتیره‌دی ایکن.
مذکور ییگیت ایران گه ناقانونی شکلده سفر قیلگنی نی بونده‌ی بیان قیله‌دی: «بیرینچی‌ده بیزلرگه موترلرنینگ سیتی گه مینیب سفر قیله‌سیزلر دییلگن ایدی، بیراق بیزلرگه کتته موتر کیلتیردیلر و اونینگ بادی‌سیده 50 – 60 کیشی نی میندیردیلر. کیم‌سه کوریلمه‌سی اوچون بو موترنینگ اوستیگه ترپال تشله‌نگن ایدی.»
ضیاالحق نینگ ایتیشیچه، قاچاقچی اولرگه ایران کیتیش یولی کوپ آسان دیگن ایکن. اونینگ کوپه‌یتیریشیچه، ایران کیتیش آسان ایمس ایکن و کوپینچه قیینچیلیک‌لرنی اوتکزیب ایران ییتیشگنلر.
او و اونینگ یولداش‌لری ایران نینگ کرمان شهری گه ییتیشگندن کیین، پولیس آرقه‌لی قولگه آلینیب و حبس بولیشه‌دی.
ضیاالحق و یولداش‌لری نیچه کون ایران نینگ قماقخانه‌سیده آچ و سووسیز یاتیب و شونینگدیک پولیس‌لر آرقه‌لی کلتکلنه‌دیلر. اولر 5 کون حبس بولگندن کیین، زوردن افغانستان گه یوباریله‌دیلر.
ضیاالحق گه کوره، افغانستان‌لیکلر ایران گه ایش تاپگن صورتده هم، ایش ایگه‌لری آرقه‌لی آیلیک‌لری توللنمه‌یدی و بیر کارگر 10 کون ایشله‌گن بیرحالده، یالغیز 5 کون نینگ پولی بیریله‌دی.
ضیاالحق باشقه ییگیت‌لردن قاچاقچیلرنینگ سوزلریگه آلده‌نمه‌ی و ناقانون مهاجرلیک آرقه‌لی سفر قیلمه‌سلیک‌لرینی سوره‌یدی. اونگه کوره، تشقی مملکت‌لرده مهاجرلرگه قیینچیلیک و بدبختلیک‌دن باشقه هیچ بیر نرسه یوق.
پکتیا ولایتی نینگ مهاجرلر ریاستی باشلیغی عبیدالله مرهونی نینگ سلام‌وطندارگه ایتیشیچه، مهاجرلر تینچ و عزت‌لی شکلده مملکتده قیتیش‌لری توغریسیده سعی و حرکت قیله‌دیلر.
اونگه کوره، اوتگن ییل ناقانونی مهاجرلیک آرقه‌لی ایران و باشقه مملکتلرگه مهاجر بولگن 191 کیشی پکتیا گه قیتگن و یاردم اوچون خلق‌ارا مهاجرلیک تشکیلاتی گه تانیشتیریلگن.
عین حالده، جنوب شرق حوزه‌سیده خلق‌ارا مهاجرلیک تشکیلاتی یا-ده IOM باشلیغی اسحاق افغان نینگ سلام‌وطندارگه ایتیشیچه، بو حوزه‌ده قاچاقچیلر آرقه‌لی شکار بوله‌دیگن‌لردن کوپینچه‌سی اوزاق منطقه‌لرده یشه‌یدیگن کیچیک یاشلی باله‌لر دیر. اونگه کوره، مذکور باله‌لر پکتیا، پکتیکا و غزنی ولایتی یشاوچی‌لری دیر.
جناب افغان نینگ ایتیشیچه، یالغیز سونگی 4 آیده 25 مهاجر زوردن ایران‌دن افغانستان گه جونه‌تیلگن.
خلق‌ارا مهاجرلیک تشکیلات‌لری نینگ معلوماتی اساسیده، آفریقا‌دن کیین افغانستان، پاکستان و بنگلادیش یشاوچی‌لری ایش‌سیزلیک باعث ناقانونی مهاجرلیک‌که یوز کیلتیره‌دیلر.
ناقانونی مهاجرلیک‌که یوق دیینگ!
شو توغریده:
