.jpg)
دسمبر 18 خلق ارا مهاجرلر کونی‌گه برابر، اوشبو کون ننگرهارده قاچقینلر وزیرلیگی رسمیلری و ولایت محلی رسمیلری نینگ اشتراکیده کوتیب آلیندی.
قاچقینلر وزیرلیگی نینگ مالی و اداری معینی احمدولی حکیمی نینگ بیاناتیگه کوره، جاری ییلده قوشنی اولکه‌لر اینیقسه پاکستاندن مملکتی‌گه قیتگن قاچقینلر سانی 1 میلیون‌گه ییتگن مهاجرلردن 60 فایزی ننگرهارده ییرلشیب قالگنلر. اونینگ ایتیشیچه، مذکور ولایت‌ده قالیشنی قبول قیلگن مهاجرلر اوچون ایکی شهرچه نظرده توتیلگن.
قاچقینلر وزیرلیگی نینگ معینی‌گه کوره، شهرچه‌لردن بیرینی ایشی باشلنگن و 30 مینگ‌گه یقین خانه‌دان اوچون یشش بنا توزه‌تیب بیریله‌دی.
.jpg)
اونینگ ایتیشیچه، بوندن آلدین مملکتی‌گه حجت سیز قیتگن مهاجرلرگه یاردم بیریلمس ایدی، اما بوندن بویان افغانستان حکومتی نقد پول و خلق ارا قاچقینلر تشکیلاتی ییگولیک ماده‌لرینی تأمین قیله‌دی.
اوشبو اولتیریشده خلق ارا قاچقینلر تشکیلاتی مطبوعات رییسی نصیراحمد حیدرزی نینگ ایتیشیچه، جاری ییلده مملکت‌لریگه قیتگن 1میلیون مهاجردن 660000 مهاجرت حجتی بولمه‌گنلر دیب رویخط‌گه آلینگن.
خلق ارا قاچقینلر تشکیلاتی رسمیلری نینگ ایتیشیچه، قانونی حجتگه ایگه بولمه‌گن عایله‌لر اوچون تورخم چیگره‌سیده یشش آسایشته‌لیکلری و ییگولیک ماده‌لر قوشیمچه 3 دن 400 دالر نقد پول هم نظرده توتیلگن.
