جمهور رییس غنی ایکی اولکه کیلهجگینی آیدین بیلیب ایتیشیچه، افغانستان بیلن پاکستان آسیاده کته اقتصادی تورت یول بولگن، مذکور ایکی اولکه یاردمی بیلن آسیا قارهسی کیلهسی یقین پیتده کته اقتصادی قدرتگه اوزگریشی ممکن.
افغانستان جمهور رییسی پاکستان باش وزیریگه خطاب ایتیشیچه، دوستلیک معیاری یمان شرایطده دوست یانیده توختهش دیر. اونگه کوره، ایکی اولکه تامانیدن منطقهده تینچلیک شرایطی یرهتیلیشی لازم. چونکه منطقه تینچلیگی افغانستان بیلن پاکستان خوفسیزلیگیگه باغلیق.
جمهور رییس 22- ثور پاکستان باش وزیری نوازشریف بیلن اوتکزگن خبری ییغینده حضور تاپیب ایتیشیچه، یمان و یخشی ترورچی یوق و بودنیا شمول پدیده ایکی اولکهگه قرشی جدی خطر دییلهدی. اونگه کوره، دنیا تروریزمی اوروشنی اولکهگه تحمیل قیلگن و بیرینچی قربانلیکنی پاکستان بیلن افغانستان بیرهدی.
شونینگدیک جمهور رییس پاکستان حربیسی باشلیغی راحیلشریف سوزلرینی ایسلب ایتیشیچه، ایکی اولکه بیرگهلیکده ترورچیلیککه قرشی کورهشیب اهالیسینی قانیقتیریشی لازم. جناب شریف آلدینگی سفریده افغانستان دشمنی پاکستان دشمنی دیگن ایدی.
انه شوندهی پاکستان باش وزیرینینگ بو ییغینده ایتیشیچه، افغانستان رسمیلری بیلن اوچرهشگنیده، منطقه اولکهلر ثباتلیگی افغانستان ثباتلیگیگه باغلیق ایکنلیگیگه توشونگن.
اونگه کوره، اولکهسی افغانستاننی خطرگه دوچ کیلتیرهدیگن هربیر تهدیدگه قرشی کورهشیشی ممکن.
پاکستان ییریک رسمی سینینگ ایتیشیچه، حکومتی افغانستانده امنیتی کوچلر ظرفیتلرینی کوچلنتیریش، کیچیک قوریلمهلرنی یوکسلتیریش، جملهدن یوللر، تیمیر یوللر و برق بولیملریگه یاردم بیریشی ممکن.
جناب شریف قتیق سوز بیلن طالبلر هجومینی محکوم قیلیب ایتیشیچه، افغانستان دشمنی پاکستانگه دوست بوله آلمهیدی.
پاکستان باش وزیری، دیورند چیگرهسی اطرافیده ایکی اولکه تمانیدن بیرگهلیک عملیاتلر یولگه قوییلیشیدن خبر بیردی، بیراق بو عملیاتلر توغریسیده انیق معلومات بیرمهگن.
پاکستان باش وزیری اوتکن کون یوقاری مرتبهلی هیأت بیلن کابلگه کیلدی.
پاکستان حربیسینینگ باشلیغی راحیل شریف، باش وزیرنینگ تشقی علاقهلر و ملی امنیت مصلحتچیسی سرتاج عزیز و بیرقطار پاکستانلیک رسمیلر مذکور هیأتنی تشکیل بیرگنلر.
ملی بیرلیک حکومتی تشکیل ایتیلگندن سونگ، پاکستان باش وزیری بیرینچی مرته افغانستانگه سفر قیلگن.
گزارشلرگه کوره، مذکور هیأت افغانستانگه سفر قیلیشیدن آلدین، یوقاری مرتبهلی رسمیلری بیلن اولتیریب، پاکستان بیلن افغانستان ارا بولگن علاقهلر توغریسیده بحث اوتکزگنلر.
پاکستان تشقی ایشلر وزیرلیگی تامانیدن ترقتیلگن اعلامیهگه کیلیشیچه، پاکستان یقین پیتده افغانستانگه هر تمانلمه یاردم بیرهدی.