مملکت ملی فوتبال تیرمه جماعه‌سی‌گه ینگی اویینچی‌لرنی جذب ایتیش اوچون آلمان‌نینگ فرانکفورت شهریده‌گی افغانستان فوتبال فدراسیونی‌نینگ فوتبال مشقی اوز پایانی‌گه ییتگن.
مملکت فوتبال فدراسیون کمیته‌سی رسمیلری‌گه کوره، مذکور اردوگاه‌ده ینگی فوتبال اوینچی‌لری تنلنگن. ایتیلیشیچه، اولرنینگ رویخطی باشقه فوتبال اویینچی‌لری یانیده تیزلیک‌ده ترقه‌تیله‌دی.
مذکور تمرینی اردوگاه آلمان نینگ فرانکفورت شهریده بیر هفته دوام ایتگن. بو تمرینات‌لرگه باش مربی سلاوان اسکلیزیچ کمک مربی علی عسکرلعلی همکارلیک قیلگن. بو فوتبال مشقی الکوزی خلق ارا شرکتی همکارلیگی بیلن جولای آیی‌نینگ 20 سیده یولگه قوییلگن.
مذکور اردوگاه‌گه افغانستان‌نینگ امریکه، سویدن، ناروی، هالند، انگستان، استرلیا و چک‌ده‌گی فوتبالچی‌لری اشتراک قیلگن.
فوتبال فدراسیون معلوماتی‌گه کوره، انگستان‌دن امید آرین خواص، حمیدزمانی، ولیدایماق وشبیر غلام محمد، هالند‌دن معراج الله داد، صدیق ولی زاده، پرویز مرادی، امیدپوپلزی و ارسلان حیدری، آلمان‌دن زبیر امیری، ایمل شیرزاد ومسیح سیغانی، آسترلیادن اقبال جوادی، غلی غلامی وزلفی نظری، ایتالیادن متین نجفی و نیکان صادقی، سویدن‌دن حسن نجفی و جاهد جاوید شونینگ‌دیک دنمارک‌دن ویس عزیزی، چیک‌دن داوود روشن، امریکادن نومیالی هاشمی و ناروی‌دن مصطفی جعفری‌لر آلمان‌نینگ فرانکفورت شهریگه کیلگن‌لر.
مملکت فوتبال فدراسیونی: ینگی فوتبال اوینچی‌لرینی تایلند و جاپان بیلن اوتکزه‌جک اویینلرگه چقیریشی کوتیله‌دی.
شونینگ‌دیک مذکور اورتاقلیک کمپ‌ده ایلغار فوتبال اویینچی‌لرینی تنلیش اوچون اوتکزیلگن فوتبال مسابقه‌سی‌ده افغانستان 1-3 مقابلیده یوتقیزگن.
افغانستان فوتبال فدراسیونی‌گه کوره، آلمان‌نینگ فرانکفورت شهریگه اویینچی‌لرنی تنلش اوچون کیلگن فوتبالچی‌لر قیته‌دن مملکت‌لریگه قیتگن‌لر.
مذکور فدراسیون چیت ایلده استقامت قیله‌دیگن افغانستان‌لیک فوتبالچی‌لرنی تنلب رویخطی‌نی اعلان قیله‌دی. اوشبو فوتبالچی‌لردن جاپان بیلن تایلند فوتبال بیلشوولریده چقیریله‌دی.
افغانستان ملی فوتبال تیمی میلادی کیلگوسی ییل نینگ اوچینچی آیی‌ده تایلندبیلن اورتاقلیک فوتبال بیلشوو اوتکزه‌دی. شونینگ‌دیک افغانستان ملی فوتبال تیمی ایران میزبانلیگی‌ده آگست آیی نینگ سکیزینچی‌سی‌ده جاپان بیلن فوتبال بیلشووی اوتکزیشی کوتیله‌دی.
افغانستان ملی فوتبال تیرمه جماعه‌سی جام جهانی فوتبال مسابقه‌سی نینگ دستلبکی اویین‌لریده سوریه مقابلیده کمبوج دن اوتیشی بیلن الف گروهی‌ده اوچینچی اوریننی ایگللش گه موفق بولگندی.
