.jpg)
مملکت فوتبال ملی تیرمه جماعه‌سی دنیا فوتبال ینگی رویخطی‌گه تورت آدیم کوتاریشدی
دنیا فوتبال فدراسیونی‌نینگ ینگی رویخط ترتیبی اساسی‌ده افغانستان ملی فوتبال تیمی اوتگن آی سنگاپور تیمی‌نی یوتیش بیلن 151- رده دن 147 ربته گه کوتاریلدی.
میلادی اوتگن آی 29 مارچ‌ده افغانستان ملی فوتبال تیرمه جماعه‌سی ایران سپورت میدانی‌ده سنگاپور بیلن اوینه‌گن ایدی. سنگاپور ایکّی گول یییش بیلن میداننی افغانستان‌گه یوتقزدی.
عین حالده، سنگاپور تیمی بو رقابت‌ده شکست ییشی‌گه قره‌می، هنوز هم 148 اورنی‌ده تورگن.
دنیا فوتبال فدراسیون رویخطی‌گه کوره، مملکت ملی فوتبال تیمی‌نینگ امتیازی 192 دن 210 کوتاریلگن.
.jpg)
سونگی ایکّی آی ایچی‌ده افغانستان فوتبال ملی تیرمه جماعه‌سی دنیا فدراسیونی‌نینگ جدول ترتیبی‌گه ایکّی پاغانه کوتاریلدی.
مذکور رویخط‌ده آرجانتین و بلجیم بیرینچی و ایکینچی اورین ده تورگن لیگی قید ایتیلگن.
افغانستان عیال فوتبال‌چیلر تیرمه جماعه‌سی دنیانینگ هیچ بیر فوتبال اوینی‌ده اشتراک قیلمه‌گن بولسه – ده، اما، ینگی رده بندلیک‌ده دنیا فوتبال تیمی ایچی‌ده 130- اوریننی کسب قیلگن.
