افغانستان قاچقین‌لر و باش پناه ایزلاوچیلر وزیری سیدحسین عالمی بلخی‌نینگ ایتیشیچه، اوشبو وزیرلیک‌نینگ رقمی اساسیده، مملکت جمعیتی‌دن 15 میلیونی بدرغه‌لیک و قاچقین‌لیک‌نی تجربه قیلگن.
اونینگ کوپه‌یتیریشیچه، بدرغه‌لر و قاچقین‌لردن 97% جامعه گه قوشیلگن و یالغیز 3% خیمه‌لرنی آستیده حیات کیچیره‌دیلر.
بوگون «سه‌شنبه» کابل‌ده قوشمه خبری ییغین اوتکزگن قاچقین‌لر و باش پناه ایزلاوچیلر وزیرلیگی و قاچقین‌لیک خلق ارا تشکیلاتی، بدرغه‌لیک‌نی ایزلش سیستم یا-ده ((DTM نی آچدی. اوشبو ییغینده قاچقین‌لر و باش پناه ایزلاوچیلر وزیری سیدحسین عالمی بلخی‌نینگ ایتیشیچه، مذکور وزیرلیک‌نینگ تیکشیروو رقمی اساسیده، افغانستان‌نینگ هر بیر یشاوچیسی بیر مرته بدرغه‌لیک یا-ده قاچقین‌لیک‌نی تجربه قیلگن.
قاچقین‌لر و باش پناه ایزلاوچیلر وزیری گه کوره، حاضر افغانستان‌نینگ 5.5 میلیون دن آرتیق قاچقینی، 7 میلیون دن آرتیق باش پناه ایزلاوچیسی و 3 میلیون دن آرتیق ایچکی بدرغه‌سی بار و اولر توپلم شکلده 15 میلیون دن آرتیق کیشی یا-ده 50% جمعیت‌نی تشکیل بیره‌دی.
اوتگن 5 ییل جریانیده مملکت‌نینگ 15 ولایتیده عمل‌گه آشیریلگن بدرغه‌لیک‌نی ایزلش سیستمی اساسیده، مذکور 15 ولایتده 3.5 میلیون ایچکی بدرغه و تشقریدن کیلگن باش پناه ایزلاوچیسی جایلشگن. اوشبو رقم بو ولایت‌لرنینگ جمعیتی‌نی 18% گه شامل بوله‌دی.
اوشبو تیکشیروودن قولگه کیریتیلگن رقملر اساسیده، ایچکی بدرغه‌لر و باش پناه ایزلاوچی‌لردن کوپینچه‌سی قشاقلیک‌ده حیات کیچیره‌دیلر.
مذکور سیستم اساسیده، ننگرهار ولایتی پاکستان بیلن چیگره‌داش بولگنی باعث، کوپینچه قاچقین‌لرگه میزبان بولگن. اوشبو تیکشیروونی کورستیشیچه، بوتون قاچقین‌لردن 25%، 15 ولایتده رویخط‌گه آلینیب و جایلشگن.
افغانستان اوچون قاچقین‌لیک خلق ارا تشکیلاتی‌نینگ خاص نماینده‌سی و عمومی باشلیغی لورنس هارت‌نینگ ایتیشیچه، بدرغه‌لیک‌نی ایزلش سیستمی افغانستان حکومتی گه بدرغه‌لیک و قاچقین‌لیک توغریسیده دقیق و منسجم سیاست قیلیش خصوصیده یاردم بیره‌دی.
هارت گه کوره، بو سیستم بدرغه‌لیک جریانی دقیق شکلده تیکشیریلیب و نظارت قیلینیشی گه همکارلیک قیله‌دی.
قاچقین‌لر و باش پناه ایزلاوچیلر وزیرلیگی مسؤوللری‌نینگ ایتیشیچه، اوشبو تیکشیرووده 15 ولایت، 188 تومن و 6510 قیشلاق‌نینگ یشاوچیلری بیلن صحبت قیلینگن.
اولرگه وکره، اوشبو تیکشیروو اوتگن بیش ییل جریانیده (2012- ییل، جنوری آیی‌دن 2017- ییل، دسمبر آیی گچه) عمل گه آشیریلگن.
اولرنینگ کوپه‌یتیریشیچه، اوشبو تیکشیریلیشی باشقه ولایتلرده دوام ایتماقده و بو سیستم افغانستان‌نینگ برچه ولایت‌لرینی پوشش بیریشی توغریسیده قرار قیلینگن.
اوشبو تیکشیروو بغلان، بلخ، فراه، هرات، کابل، قندهار، خوست، کنر، قندوز، لغمان، ننگرهار، نیمروز، پکتیا و تخار ولایت‌لریده عمل گه آشیریلگن.
