بوگون «دوشنبه» کابل‌ده جایلشگن بادام‌باغ ده مملکت نینگ ایکینچیلیک، سوولنتیریش و چارواچیلیک وزیرلیگی تامانیدن «کوکلمزار و تینچلیک» شعاری بیلن کوچت (نهال) ایکیش کمپاین باشلندی.
ایکینچیلیک، سوولنتیریش و چارواچیلیک وزیرلیگی‌نینگ طبیعی منبع‌لر عمومی ریاستی‌نی باشلیغی رفیع قاریزاده نینگ ایتیشیچه، کوچت ایکیش و کوچت ترقه‌تیش کمپاینی مملکت کوکلمزار بولیشی اوچون یولگه قوییلگن.
اونگه کوره، اولر بو ییل کمیده 2 میلیون کوچت و یاردم بیرووچی اداره‌لر هم 20 میلیوندن آرتیق کوچت تیارلگن.
کوچت ایکیش کمپاینی‌ده اشتراک قیلگن ایکینچیلیک و چارواچیلیک وزیری نصیراحمد درانی نینگ ایتیشیچه، بو کمپاین نینگ یولگه قوییلیشی هوا دغل‌لیگی‌نی کمه‌یتیریش اوچون اونملی دیر.
اوشبو کمپاین‌ده ایکینچیلیک وزیری نینگ ایتیشیچه، مذکور برنامه اون ییل جریانیده 10 هکتار ییرده کوچت ایکیش اوچون ریجه‌لنگن و حاضرده بو برنامه ایکینچی ییلی گه کیرگن.
درانی نینگ کوپه‌یتیریشیچه، حاضرگه‌قدر کابل‌ده 1588 هکتار ییرده 524 مینگ نهال ایکیلگن.
ملی بیرلیک حکومتی‌نی اجرایی باشلیغی عبدالله عبدالله نینگ بو برنامه‌ده ایتیشیچه، اوتگن حکومت‌لرگه قره‌گنده ملی بیرلیک حکومتی‌نینگ ایکینچیلیک توغریسیده دقتی کوپراغ دیر و بو بولیم‌ده کوپینچه سرمایه یاتقیزیلگن.
ایکینچیلیک وزیرلیگی هر ییل مملکت‌ده کوچت ایکیش برنامه‌سینی یولگه قویه‌دی؛ بیراق کوچت‌لردن یخشی بیر شکلده مراقبت قیلینمه‌سی اساسی خواطرلردن سنله‌دی.
