افغانستان مخابرات و تکنالوژی وزیرلیگی‌نینگ مسوول‌لری، مملکت‌ده سایبری جرملر میزانی آشگن دیگن‌لر.
مملکت مخابرات و تکنالوژی وزیرلیگی‌نینگ سوزلاوچی‌سی یاسین صمیم‌گه کوره، اوتگن 6 ییل‌ده سایبری جرملرگه عاید بو وزیرلیک‌که کیلگن 100 دوسیه تیکشیریلگن.
شونینگ‌دیک زمانوی تکنالوژی بیلن 90% سایبری هجومی آلدینی آلیش‌گه موفق بولگنمیز دیدی سوزلاوچی.
جناب صمیم، اوشبو سابیرلر ساخته‌لشتیریلگن فیسبوک، انترنیت آرقه‌لی کیشی‌نینگ پولی‌نی بانک‌لردن اوغیرلش و ایمل آدرس‌لرنی حک قیلیش‌دن عبارت دیگن.
مخابرات وزیرلیگی‌نینگ سوزلاوچی‌سی، مملکت اهالیسی‌نینگ سایبری هجوم‌لری توغریسی‌ده اخیرگی وقت‌لرده شکایت‌لری آشگن دیدی. اونگه کوره، سایبری پولیس قابیلیتی آشیریلیشی‌گه احتیاج بار.
افغانستان ایچکی ایش‌لر وزیرلیگی‌نینگ سوزلاوچی‌سی صدیق صدیقی، وزیرلیک سایبری بولیمی‌ده قابلیت‌نی آشیریش اوچون سعی وحرکت قیلگن لیگی‌نی بیلدیرگن.
صدیقی‌گه کوره، پولیس قانونگه موافق سایبری حادثه‌سی‌ده قولی بولگن‌لرنی تیرگاو قیله‌دی.
عین حالده، اوتگن هفته افغانستان ملی بیرلک حکومتی اجراییه باشلغی تویتر صفحه‌سی حکرلر آرقه‌لی حک ایتیلیب، یاروغلیک حرکتی‌دن حمایت بیلدیریلگن پیام‌لر ترقه‌تیلگن ایدی.