زعفران قیزیل آلتین دیب شهرت قازانگن، اخیرگی ییللرده اونینگ ایکیش میزانی کوزگه کورینرلی درجه‌ده آشگن لیگی تاکید بوله‌دی. مملکت بیر قنچه ولایتلری جمله‌دن هرات‌ده بو محصولات کوپراق ایشلب چیقاریله‌دی.
ایکینچیلیک وزیرلیگی نینگ بلند مرتبه‌لی رسمیلری بوگون (چهارشنبه) زعفران ملی فستوالی نینگ ایکینچی دوریده مملکت‌ده زعفران محصولاتی 80% آشگن لیگی باره‌سیده خبر بیرگنلر. ایکنیچیلیک وزیرلیگی کیلگوسی ییللرده زعفرانگه بازار تاپیش، کوپراق محصولات آلیش و مملکت‌دن تشقریگه صادر قیلیشده معین لایحه‌لرنی نظرده توتگن لیکلرینی بیلدیرگن.
فستوالده چیقیش قیلیب نطق سوزله‌گن وزیرلیک نینگ اورین باسری عبدالقدیر جواد، اوتگن ایکّی ییلگه قره‌گنده زعفران ایکیش میزانی مملکت‌ده 80% آشگن دیدی. اونینگ سوزلریگه کوره، افغاسنتان بویلب 2 مینگ دن آرتیق هکتار ییرده زعفران ایکیله‌دی. بوندن ایکی ییل آلدین مملکت‌ده 1200 هکتار ییرده زعفران ایکیلیب کیلینگن ایدی.
ایکینچیلیک وزیرلیگی نینگ معاونی، مملکت‌ده زعفراننی رواجلنتیریش اوچون 5 ییللیک ملی لایحه اوستیده ایشله گنلیکلرینی بیلدیرگن. مذکور لایحه عملگه آشیریلیشی بیلن 2 مینگ هکتار ییرده زعفران ایکیش 4 مینگ هکتار ییرگه کوپیتیریله‌دی و ایشلب چیقاریش میزانی هم 5 تُن دن 16 تُن گه کوپیتیریلیشی رجه لنتیریلگن.
ایکینچیلیک وزیرلیگی نینگ مسووللری، بوتون مملکتده‌گی زعفران نینگ 90% هرات ولایتیده ایشلب چیقاریلیشی اوستیده تاکید ایتگنلر.
هرات ولایتی نینگ والیسی محمد آصف رحیمی، زعفران صفتی تیکشیریلیشی اوچون ایکینچیلیک وزیرلیگی تامانیدن هرات ولایتیده ملی لابراتوار تاسیس بوله‌دی دیگن.
هرات ایکینچیلیک اداره‌سی نینگ اورین باسری بشیراحمد احمدی، هرات ولایتی نینگ 15 تومنیده 2546 مینگ هکتار ییرده زعفران ایکیلگن، اما اوتگن ییل ایسه بو رقم بوتون هرات ولایتی بولیب 960 هکتار ییرده زعفران ایکیلگن ایدی دیگن. اونینگ ایتیشیچه، جاری ییل ولایت نینگ زعفران ایکین ییرلریدن 6 تُن زعفران محصولاتی قولگه کیریتیلیشی کوتیله.
هرات ایکینچیلیک اداره‌سی نینگ مسووللری، حاضرگی کونده ولایتده 10 خانه‌دان زعفران ایکینی بیلن شغللنه دیلر بولرنی همه‌سی نینگ ییللیک درآمدی 800 میلیون افغانی چمه‌لنگن.
بوندن آلدین دنیا ییگولیک آزیق آوقت صفتی و فکرلش طعمی انستیتوتی افغانستان زعفرانی‌نی ایکینچی مرته دنیا نینگ اینگ صفتلی زعفرانی دیگن ایدی.
