بغلان ولایتی نینگ پلخمری شهریده مخدر ماده‌لرگه بیریلگنلر بلخ حادثه‌سیگه بغیشلب فاتحه خوانلیک مراسمی اوتکزدی. مخدر ماده‌لرگه بیریلگنلر، بنگی‌وار ماده‌سیگه بیره دیگن نیچه کونلیک پولنی ییغیب اوشبو ختمنی اوتکزگن لیکلرینی ایته‌دی.
عمومی سانی 25 کیشی‌دن عبارت مخدر ماده‌گه بیریلگنلر، ساغلیقلری یخشیله‌نیشی اوچون حکومت اعتبار قره‌تگن حالده، داعش و جنگری طالبان‌گه قرشی ملی کوچلر یانیده توریب اوروش قیلیش‌گه تیار ایکن لیکلرینی بیلدیرگنلر.
پلخمری شهری‌نینگ یشاوچیلری، ولایت امنیتی کوچلریدن کیین مخدر ماده‌گه بیریلگنلر فاتحه مراسم اوتکزیش اوچون بیل باغله‌گن ایکّینچی گروه سنه‌له‌دی دیدیلر.
ختم اوتکزیلگن جامع مسجدنینگ امامی مولوی عبدالله، مخدر ماده‌سیگه بیریلگن شخصلر جمعیت نینگ باشقه قتلمی اوچون اولگو بولیشی کیره‌ک دیگن.
محله نینگ وکیلی دین محمد جرأت، کوپینچه بو قبیل حادثه‌لر اوچون مدنی جماعه‌چیلیک تشکیلاتلری سکوت سقله‌یدی دیدی. اونینگ تعبیریچه، مدنی فعاللر مخدر ماده‌گه بیریگنلردن اورگه‌نیب آواز چیققاریش کیره‌ک.
بوندن بیش کون آلدین (جمعه) بلخ ولایتی نینگ دهدادی تومنیده جایلشگن شاهین 209- قول اردو ده جنگری طالبان هجوم اویوشتیرگن ایدی. عبادت‌ده بولگن ملی کوچلر هجوم آستیگه آلینیشی عاقبتی‌ده 140 حربی قربان ایتیلدی. شونینگدیک 160 حربی عسکر ایسه آغیر یینگیل یره‌لنگدی.
