هند میزبانلیگیده اولکه ملی تیرمه جماعه‌سی آسیا ۱۱ لمچی جامی بیله‌شوییده ایکی دور ده تمرینات کوره‌دیلر.
فوتبال فدراسیونی نینگ بیرگن معلوماتیگه کوره، ملی فوتبال تیمی دسمبر آیی نینگ ۸ دن ۱۲ سیگه قدر کابلده تمرین کوره‌دیلر و اوندن کیین بیرهفته‌لیک تمرینات اوچون قطر کیته‌دی.
فوتبال تیمی نینگ باش مربی‌سی پیتر سگرت هم فوتبال فدراسیونیدن جنوبی آسیا بیله‌شویی باشلنمسدن آلدین، اوز ارا اورتاقلیک اویینلر باشله‌نیشینی ایسته‌گن.
جنوبی آسیا اولکه‌لری جامی هندوستانده کیله‌سی آی ۲۴- سیده بولیب اوته‌دی و افغانستان، هند، بنگله‌دیش، سریلانکا، پاکستان، بوتان، نیپال و مالدیف تیم‌لری اوز ارا اویین اوتکزه‌دی.
افغانستان بنگله‌دیش، بوتان و مالدیف بیلن بیر گروپ‌ده بولیب دسمبر ۲۴ – سیده بنگله‌دیش برابریده اویینگه چیقه‌دی، ایکینچی اویین مذکور آی ۲۶- کونیده بوتان بیلن نهایی بیله‌شوو اوتکزیب مالدیف‌نی ۲۸- سیده پایلشه‌دی.
بو بیله‌شوولرده بیرینچی اوریننی ایگلله‌گن ۵۰ مینگ دالر، ایکینچی اورین ۲۵ مینگ دالر و اوچونچی و تورتینچی اورینده قالگنلر اوچون ۱۰، ۱۰ مینگ دالر جایزه بیریله‌دی.
جنوبی آسیا اولکه‌لریده هر ایکی ییلده عضو بولگن مملکت‌لردن بیری نینگ میزبانلیگیده جام قویه‌دی. بو بیله‌شوولر سونگی دورلریده نیپالده بولیب اوتگن ایدی. افغانستان ۲- ۰ نتیجه‌سیده هندنی آرتده قالدیردی و بو قهرمانلیک رقابتی‌گه یول تاپدی.
