مملکت شمالی‌ده خوف‌سیزلیک بلند مرتبه‌لی رسمیلرنینگ ایتیشیچه، ملی اردونینگ ضربتی گروهی تخارده قورال‌لی طالب‌لرنی نابود قیلیش اوچون قیرقته زره‌لی موترلر بیلن بوولایت‌گه ییتیب بارگن‌لر و مذکور ولایت‌نینگ نابرقرار حدودلری طالبلردن تازه‌له‌نیش اوچون عملیات باشلنه‌دی.
اوشبو بلند مرتبه‌لی رسمیلر، مذکور عملیات‌لرنی ملی مدافعه وزیرلیگی‌نینگ پالیسی رییسی جنرال جان‌خان رهبرلیک قیله‌دی.
اولرنینگ سوزلری‌گه کوره، ملی اردونینگ مذکور حربی‌لری اوچ کون جریانی‌ده بغلان ولایتی‌نینگ جرخشک یولی‌نی آچیب، جنگری طالب‌لرنینگ 30اعضاسی قوشیمچه سیدعالی ناملی قوماندانی‌نی اولدیریش بیلن تخار ولایت مرکزی تالقان‌گه قیتگن‌لر.
ملی اردو بیرینچی لواسی‌نینگ ضربتی کوچلر قوماندانی جنرال شعورگل رهبرلیگی‌ده تخارگه کیلگن عسکرلرنینگ سوزیگه قره‌گنده، بو حربی‌لرنینگ ماموریتی اوشبو ولایت‌نی جنگری طالبلردن تازه‌لش بولگن.
شعورگل، ملی اردونینگ مذکور حربی‌لری تیزلیکده تخار ولایتی‌نینگ اشکمش، خواجه‌غار، ینگی‌قلعه و درقد ولسوال‌لیک‌لریده عملیات اوتکزیش‌نی ایتگن. شونینگ‌دیک مذکور بلند مرتبه‌لی حربی قوماندان تخارنی ولسوال‌لیکلری جنگریلردن تازه‌لنگندن سونگ اوشبو حربی قوشین‌لر قندوز ولایتی‌نینگ دشت ارچی تومنی‌گه سفر بَر ایتیله‌دیلردیگن.
مملکت شمال شرقیده جایلشگن قندوزنینگ دشت ارچی ولسوال‌لیگی طالب‌لرنینگ اصلی مرکزلریدن سنه‌له‌دی. شونینگ جنگری طالب‌لر اشکمش، خواجه‌غار و درقد ولسوال‌لیک‌لری‌نینگ ایریم منطقه‌لرینی اوز اشغالی‌گه آلگنی ایتیله‌دی.
