.JPG)
افغانستانده اوزاق اوتمیش‌لردن بویان اهالی اینیقسه عیاللردن بیرقطاری‌نینگ آره‌سیده بولگن رسم گه قره‌لگنده، اولر عایله‌وی، کسل‌لیک، حامله‌سیزلیک و باشقه یوزلرچه قیین‌چیلیک‌لرینی حل قیلیش اوچون ملالر و تعویذ یازووچی‌لرگه مراجعت قیله‌دیلر.
بو موضوع ده عیاللردن کوپینچه‌سی غیرمشروع ایستک‌لر و باج آلیش‌لرگه قربان بوله‌دیلر، بیراق جماعه سنتی بولگنی و عیاللرگه ضد فکرلر باعث، عیاللر و قیزلردن آز قسمی اوستی‌لریدن اوتگن نرسه‌نی بیان قیلیب و باشقه‌لر بیلن شریک قیلیش‌گه جرأت قیله‌دیلر.
سونگی آی‌لرده فاریابی‌لیک «رسول لندی» آتی‌گه تانیلگن ملارسول خواجه آتلی تعویذ یازووچی‌نینگ جنسی زوروانلیک ویدیولری اجتماعی ترماقلرده ترقه‌تیلیب و جدی عکس‌العمل‌لرگه سبب بولدی.
ملارسول لندی، تعویذ یازووچیلیک ایشی‌دن فایده‌لنیب حامله‌سیزلیک قیین‌چیلیگی بولگن فاریابی‌لیک ساده و محروم عیاللرنی هم‌بسترلیک‌که زورلب و جنسی علاقه‌لری جریانیدن ویدیو آلگن و بو ویدیولردن فایده‌لنیب قربان بولگن عیاللردن باج آلر ایکن.
اوشبو ویدیولر اجتماعی ترماقلرده ترقه‌تیلگنیدن سونگ، فاریاب پولیسی ملارسول لندی قولگه آلینیشی توغریسیده تیرگاو باشله‌دی، بیراق باشلنگن تیرگاولر حاضرگچه نتیجه‌سیز قالگن. ملارسول لندی قاچگنیدن سونگ، جماعه‌ده حاکم قالگن نرسه، نیچه ویدیو و قربان بولگن عیاللرنینگ حیات‌لرینی قاره تونگن ایلنتیرگن بدناملیک لکه‌لری دیر.
قربان بولگن عیاللردن بیری‌نینگ آتی منیره دیر. او، آلتی آیدن بویان قماقخانه‌ده حیات کیچیره‌دی و ایستلمه‌گن جرم گه عیب‌لنیب قولگه آلینگن. منیره ملارسول‌نینگ آلدی گه باریب و او بیلن جنسی علاقه قوریش جرمی گه عیب‌لنیب توتقونگه آلینگن. اونینگ ایتیشیچه، کمیده آلتی آی‌نی خوفسیز اویده اوتکزگن و حاضر 25 کون بوله‌دی کیم، قماقخانه‌ده دیر و جرمی هم اثباتلنمه‌گن.
منیره‌نینگ ایتیشیچه، کمیده 6 آی آلدین خوفسیزلیک کوچلری اونینگ ملا لندی بیلن علاقه قوریش گه عیبلب و ملا رسول بیلن فیلمی بارلیگی توغریسیده سوزله‌گنلر، بیراق حاضرگچه فلم نی اونگه کورستمه‌گنلر. منیره گه کوره، او گناه‌سیز حبس بولگن.
منیره‌نینگ کوپه‌یتیریشیچه: «مین خواجه‌قشوری قیشلاقیدن من، بیر خطا بولیب فلم چیققن، مین شرم قیلیب توغری سوزلشه آلمه‌یمن. مینی ملا نی آلدی گه باریش جرمی گه عیبله‌دیلر و مین بیر خطا قیلدیم و مین قسم ایچه‌من که ملا نی آلدیگه بارگن یوق من، بیراق مینگه ایتدیلر که سینی فلمینگ چیقیبتی و حاضرگه قدر فلم نی مینگه کورستگن یوقلر.»
شو توغریده:
جنسی زوروانلیک‌دن باج آلیش؛ زوروانلر جنسی زوروانلیک جریانیدن ویدیو آلگن‌لر
تالقان شهریده 5 یاشیده بولگن بیر باله جنسی زورلنگن
جوزجان ولایتیده کیچیک بیر قیز گروهی شکلده جنسی زورلنگن
ننگرهار ولایتیده 6 یاشر بیر قیز باله جنسی زورلنگن
.jpg)
منیره قماقخانه‌ده‌گی یمان وضعیتدن قصه قیلیب ایتیشیچه، حاضر کسل دیر و مسئولر اونینگ دارولش اوچون هیچ بیر ایش قیلمه‌گن. منیره انسانی حقلر اداره‌لریدن سیسی نی ایشیتیب و توتقوندن قوییب یوباریلیشی نی سوره‌یدی؛ «مین بو ییرده یمان وضعیتده حیات کیچیره‌من، مینی بو ییردن چیقاریلر…، مینینگ دوسیه‌م قارلاوچی نی آلدیگه دیر، مینگه ایتدیلر کیم سین نیچه کون قماقخانه گه بار کیین قیته‌دن تینچ اویده یوباره میز.»
منیره‌نینگ دوسیه‌سی و قندی توتقونگه آلینیشی توغریسیده فاریاب قارالاوچیلیگی بیلن صحبت اوتکزیش نی ایسته‌دیک، بیراق اوشبو ولایت قارلاوچیسی بو توغریده معلومات بیریش‌دن واز کیچدی.
باشقه بیر تاماندن فاریاب انسانی حقلر مسئولری‌نینگ ایتیشیچه، اولر منیره‌نینگ دوسیه‌سی توغریسیده هیچ قندی معلوماتلری یوق دیر، بیراق توتقونده بولگن هر بیر کیشی ساغلیک، تعلیمات و انسانی حقلری گه ایگه دیر.
فاریاب ولایتیده انسان حقلری کمیسیونی باشلیغی ذبیح‌الله جواد نینگ سلام‌وطندارگه ایتیشیچه، محبوس‌لر وضعیتی‌نینگ یمان بولگنی و قماقخانه‌لر مسووللری‌نینگ محبوس‌لرگه قرشی نامناسب حرکت‌لریدن آگاه بولگندن سونگ، حرکت قیله‌دیلر: «اوشبو عیال آدرسی‌دن شونینگدیک شکایت تاپمه‌گن میز، بیز شکایت قولگن کیلتیرگن حالده، میدیالر، انسان حقلری فعاللری و مدنی جماعه بیلن شریک قیله‌میز. انسان حقلری قضیه‌لرینی مستند توزه‌تیش اوچون، بیز مکلفیتی میزگه کوره حرکت قیله‌میز.»
افغانستان سنتی جماعه‌سیده، عیاللر اینقسه قیشلاقلرده تیریک‌چیلیک قیله‌دیگن عیاللرگه قرشی شونینگدیک دوسیه‌لر آچیلگن صورتده، مذکور عیال اوی‌دن بازارگچه و بازاردن مملکت سطحی‌گه‌قدر سرکوب بوله‌دی و تیریک‌چیلیک قیله‌دیگن حلقه‌لری کون اوتیش بیلن کیچیک بوله‌دی، بیراق ایرکک‌لر اوچون قضیه فرق‌لی دیر و گاه‌گاهی ملارسول کبی کیشی‌لر عیب‌لری کوپه‌یگنی‌دن سونگ، قاچیب کیته‌دیلر و نیچه زمان اوتگن‌دن سونگ همه نرسه فراموش ایتیله‌دی.
- قربان بولگن عیال‌نینگ مستعار آتی منیره دیر
