.jpg)
طالبان گروهی، اسلامی امارت اورین باسری و قطرده اوشبو گروه سیاسی دفتری‌نینگ باشلیغی ملابرادرگه تیگیشلی صوتی بیر نوارنی ترقه‌تگن. اوشبو نوارده ملابرادرنینگ ایتیشیچه، اسلامی امارت اوروش و سیاست میدانیده موفق بولگن.
اونینگ ایتیشیچه، قطر سوزلشوولریده طالبان گروهی‌نینگ نماینده‌لری«شرعی و اصولی» موقف‌لریدن آرتده قیتمه‌گن و قطرده آمریکا و طالبان گروهی‌نینگ نماینده‌لری آره‌سیده‌گی تینچلیک سوزلشوولر نهایی حل یول تاپیش زمینه‌سینی یره‌تگن.
بو صوتی نوارده ملابرادرنینگ ایتیشیچه، مملکت‌ده اسلامی نظام حاکم بولیشی اولرنینگ اساسی ایستک‌لریدن دیر.
طالبان گروهی‌نی اورین باسری‌نینگ تاکید قیلیشیچه، کیله‌جک نظام‌ده اسلامی امارت مملکت یشاوچی‌لریگه قرشی «ترحم و حوصله» دن ایش آله‌دی. اونینگ سابق مجاهدلر و تکنوکرات سیاستچی‌لری موقفی‌گه اشاره قیلیب ایتیشیچه، اولر اسلامی امارت بیلن کیلیشگن حالده، اولرنی هیچ‌قندی قیین‌چیلیک تهدید قیلمه‌یدی.
ملابرادرگه کوره، اسلامی امارت، مجاهدلر و عالم‌لر قدرینی بیله‌دی و افغانستانده حیات کیچیریش اوچون اولرگه قرشی هیچ‌قندی قیین‌چیلیک یوق.
اونینگ طالبان جنگری‌لرینی مخاطب قرار بیریب ایتیشیچه، قولگه کیلگن موفقیت‌گه غرورلنمه‌ی و اهالی‌گه حرمت قیلیش‌لری کیره‌ک.
.jpg)
افغانستان حکومتی، افغانستان اسلامی جمهوریتی نظامی و دولت قوریش خصوصیده قولگه کیلگن یوتوق‌لرنینگ معامله بولمه‌یشی‌نی اعلان قیلگن بیر حالده، ملابرادر اسلامی امارت تشکیلی و یوتوق‌لیگی توغریسیده صحبت قیله‌دی.
طالبان گروهی، افغانستان حکومتی‌نی آمریکالیک‌لر تامانیدن قوریلگنی‌نی ایتیب و حکومت بیلن مذاکره قیلیش‌گه تیار بولمه‌گن. مذکور صوتی نوارده ملابرادرنینگ کوپه‌یتیریشیچه، طالبان گروهی افغانستان حکومتی‌گه ارزش بیرمه‌یدی و اولر کیله‌جک‌لرده اوز نظام‌لرینی قوریش اوچون سعی و حرکت قیله‌دی.
افغانستان حکومتی حاضرگه‌قدر ملابرادرنینگ سوزلریگه قرشی رسمی شکلده واکنش کورستمه‌گن. آمریکا و طالبان گروهی‌نینگ نماینده‌لری آره‌سیده‌گی سونگی مذاکره ایکی کون آلدین یکونلندی.
شوتوغریده…
