بوگون «سه‌شنبه» افغان-ترک مکتب‌لری‌نینگ اوقووچیلر عایله‌وی کمیته‌سی، اوقووچیلر و اولرنینگ عایله‌لرینی حضوریده خبری بیر ییغین یولگه قوییب و معارف وزیرلیگی‌نینگ سونگی نامه‌سی برابریده اعتراض بیلدیریب و اونی «سوکیش‌نامه» دیگن.
اوشبو نامه‌ده بلخ، قندهار، هرات و جوزجان ولایت‌لری‌نینگ معارف ریاستی‌دن افغان-ترک مکتب‌لریگه رسمی همکارلیک قیلمس‌لری سوره‌لگن. شونینگدیک، اوشبو نامه محتواسیده مذکور مکتب‌لرنینگ مدیریتی‌نی ترکیه مملکتی‌نینگ معارف بنیادی گه انتقال بیریلیشی کیسکین امر دییلگن.
افغان-ترک مکتب‌لری‌نینگ اوقووچیلر عایله‌وی کمیته‌سی‌نینگ ایتیشیچه، بو نامه اوقووچیلردن اوقیش حقی‌نی آله‌دی و حکومت حاضرگچه مذکور مکتب‌لرنینگ قیین‌چیلیگی‌نی حل قیلیش اوچون قانونی بیر برنامه قولگه آلمه‌گن.
اولرگه کوره، اوشبو نامه‌ده افغان-ترک مکتب‌لری‌نینگ اوقووچیلریگه شهادتنامه بیریلمه‌سی کیریتیلگن و مذکور مکتب‌لرنینگ جایدادلری ترکیه معارف بنیادی گه تاپشیریلیشی کیره‌ک.
.JPG)
افغان-ترک مکتب‌لری‌نینگ اوقووچیلر عایله‌وی کمیته اعضاسی فضل‌احمد معنوی، معارف وزیرلیگی‌نینگ نامه‌سینی دشنام‌نامه دیب ایتیشیچه، حکومت بلند مرتبه‌لی رسمی‌لریدن بیرقطاری، افغان-ترک مکتب‌لری‌نینگ ایشلری بیلن سلیقه‌یی یانده‌شه‌دی.
اوشبو موضوع توغریسیده، معارف وزیرلیگی توشونچه‌سینی اورگه‌نیش اوچون علاقه قوردیک، بیراق کیین مه کیین قونغیراق نتیجه‌سیده مؤفق بولمه‌دیک. مذکور وزیرلیک رسمی‌لری‌نینگ بوندن آلدین ایتیشیچه، معارف وزیرلیگی مملکت و اوقووچی‌لرنینگ منفعتی اوچون بو مکتب‌لرنینگ مدیریتی‌نی ترکیه معارف بنیادی گه تاپشیرگن.
افغان-ترک مکتب‌لری‌نینگ اوقووچیلر عایله‌وی کمیته‌سی بیر شرطنامه‌ده صادر ایتیلگن نامه لغو ایتیلیشی‌نی سوره‌گن و شونینگدیک، موضوعلریدن آرقه گه چیکیلمه‌سی اوستیگه تأکید قیلگن‌لر.
