بوگون "چهارشنبه" ننگرهار یشاوچی‌لریدن بیرقطاری مسکو تینچلیک ییغینی‌گه قرشی اعتراض بیلدیرگن.
اعتراضچی‌لرنینگ ایتیشیچه، افغانستان دولتی حضوری بولمه‌گن ییغین مملکت منفعتی‌گه ایمس دیر. اولرنینگ کوپه‌یتیریشیچه، هرقندی شرایط ده مملکت امنیتی کوچلریدن حمایت قیلیب و مملکت‌نی 90 – دهه‌گه آلیب باریش اوچون هیچ‌کیم‌گه رخصت بیرمه‌یدیلر.
اعتراضچی‌لرنینگ کوپه‌یتیریشیچه، مسکو تینچلیک ییغینیده اشتراک قیلگنلر مملکت‌نی تخریب قیلیب و افغانستان یشاوچی‌لرینی قتل قیلگنلر.
اعتراضچی‌لر، طالبان گروهی‌نینگ نماینده‌سی شیرمحمدعباس استانکزی‌نینگ ملی اردو ترقه‌لیشی خصوصیده قیلگن صحبتی‌گه قرشی کیلگنلر.
شونینگدیک خوست یشاوچی‌لریدن بیرقطاری هم بیر اعتراض آرقه‌لی حکومت و امنیتی کوچلردن حمایت قیلگنلر.
شو توغریده...
خوست اعتراضچی‌لری‌نینگ ایتیشیچه، حکومت‌نی 90- دهه‌گه آلیب باره‌دیگن تینچلیک قابل قبول ایمس.
فاریاب دین عالم‌لری و مدنی فعاللری امنیتی کوچلردن حمایت قیلیب و اوشبو کوچلرنی ترقه‌لیشی‌نی حل یول بیلمه‌یدیلر.
فاریاب ولایتی بوییچه حج و اوقاف باشلیغی مولوی گل‌احمد لطفی‌نینگ ایتیشیچه، طالبلرنینگ ملی اردو ترقه‌لیشی خصوصیده بولگن ایستک‌لری قابل قبول ایمس.
مسکو تینچلیک ییغینی اوتگن کونی افغانستان حکومتی‌نینگ سابق مقام‌لری و طالبلر نماینده‌لری حضوری بیلن روسیه باشکنتی‌گه یولگن قوییلگن.
