خوست محلی رسمی‌لری‌نینگ ایتیشیچه، آوازبیروچیلرنی رویخطگه آلیش مرکزده یوز بیرگن پارتلش نتیجه‌سیده، 12 کیشی هلاک و باشقه 31 کیشی تَن جراحت آلگن.
خوست پولیس قومندانلیگی سرپرستی عبدالحنان زدران‌نینگ ایتیشیچه، اوشبو پارتلش یعقوبی مسجدی‌گه توش نمازی بولیب اوتگنیدن کیین، نماز اوقوچیلرنی مسجددن چیقه‌دیگن بیرچاغده یوزبیرگن.
اونگه کوره، بو مسجد خوست شهری‌نینگ ایکینچی ناحیه‌سیده قرارتاپگن و اوندن آوازبیروچیلرنی رویخطگه آلیش مرکزی صفتیده فایده‌لنیدی.
یینه بیرتاماندن خوست تینچ اهالی کسلخانه باشلیغی حبیب شاه انصاری نینگ سلام وطندارگه ایتیشیچه، اولگنلر آره‌سیده بیرعیال هم شامل دیر. انصاری اوشبو حادثه‌گه 33 کیشی تن‌جراحتی کوتارگنینی معلوم قیله‌دی.
حاضرگچه بو واقعه مسؤولیتی‌نی شخص یا-ده گروه بوینیگه آلمه‌گن.
آواز بیروچیلرنی رویخطگه آلیش لایحه جاری ییل حمل آیی‌نینگ 25- کونیده باشله‌نیب و اوندن بویان حاضرگچه نیچه مرکز هجوم آستیده آلینگن.
