افغانستان حربی کومندولری و آمریکا کوچلری، مرکزی بغلان تومنی‌نینگ غربی بولیم‌لریدن چیقگنیدن سونگ، طالبلر قیته‌دن مذکور بولیم‌لرنی نظارت گه آلگن.
بغلان ولایت کینگشی باشلیغی محمدصفدر محسنی‌نینگ ایتیشیچه، مذکور تومن‌نینگ کوپینچه قسمتی آتیشمه یوز بیرمس‌دن طالب‌لرنینگ نظارتی گه اوتگن.
سلام‌وطندارگه صحبت بیرگن کماندو کوچلری‌نینگ سوزلاوچیسی جاوید سلیم‌نینگ ایتیشیچه، کماندولر مرکزی بغلان تومنی‌نینگ کته بولیمی نی طالبلر نظارتی‌دن چیقارگن؛ بیراق اردو و پولیس کوچلری مذکور بولیم‌لرنینگ امنیتی تامین‌لنیشی خصوصیده حاضر بولمه‌گن.
بغلان حاکمی عبدالحی نعمتی مرکزی بغلان تومنی‌نینگ ایریم بولیمی طالبلر قولیگه سقوط قیلگنینی تصدیقلب ایتیشیچه، آرتیق کوچ و حربی جهازلر بولمه‌گنی سبب، بو منطقه‌لر طالبان‌نینگ نظارتی‌گه اوتگن.
سلام‌وطندارگه صحبت بیرگن منبعلرنینگ ایتیشیچه، طالبلر قیته‌دن لرخوابی‌ها، شش‌کپه، منگل‌ها، جندی‌خیل، جوی‌کنه، کاکه‌منگل، زدران، نوآباد، خلازی، خدایدادخیل، چهل‌غوری، خوستی‌ها، علاوالدین، علی‌خواجه، قیصرخیل، کوکچنار و نوآباد اندرابی قیشلاقلرینی نظارت گه آلگن.
منبع‌لرگه کوره، بوگون ایرته‌لب طالبان گروهی آب‌قول کوپریکی نی بوتونلی نابود قیلگن.
