قطر ده افغانستان دولتی و طالبان مذاکره قیلووچی هیأت تماس گروه‌لری نینگ ییغینی اَیریم دلیللر باعث آرتده قالگن ایدی، بیراق بوگون قیته‌دن باشلنگن.
افغانستان حکومتی نینگ مذاکره قیلووچی هیأت اعضالریدن بیری آتی فاش ایتیلیشی نی ایستمه‌ی سلام‌وطندارگه ایتیشیچه، تماس گروه‌لری بوگون قیته‌دن ایشگه باشله‌گن و جنجللی موضوعلر اوستیگه بحث قیلیشه‌دی.
عین حالده، نماینده‌لر کینگش اعضالریدن قطاری افغانستانلیکلرارا سوزلشوولرنینگ تفصیلاتی اهالیدن یاشیرین قالگنی اوچون تنقید قیلیشگن.
نماینده‌لر کینگش اعضاسی غفارخان نینگ ایتیشیچه، تماس گروه‌لری نینگ ییغینی آرتده قالیشی، افغانستانلیکلرارا سوزلشوولر قیینچلیککه دوچ کیلگنی نی کورسته‌دی.
عین حالده، افغانستان تینچلیگی بوییچه آمریکا خاص نماینده‌سی زلمی خلیلزاد، آمریکا حربی‌لری افغانستان دن چیقیشی و شونینگدیک افغانستانلیکلرارا سوزلشوولر خصوصیده تفصیلات بیریش اوچون آمریکا کانگرسی گه چقیریلگن ایدی.
جناب خلیلزاد گه کوره، طالبان بیرگن وعده‌لریگه عمل قیلمه‌گن صورتده، آمریکا حربی‌لری افغانستان دن چیقمه‌یدی.
بیراق آمریکا جمهوررئیسی دونالد ترامپ نینگ ایتیشیچه، افغانستان اوروشی توخته‌تیلیشی اوچون حرکت قیله‌دی و آمریکا حربی‌لری تیزلیککه افغانستان نی ترک قیلیشه‌دی.
