ایریم مدنی فعاللر، افغانستان کریکت بورد رهبرلیگینی اعتبارسیزلیک همده فسادگه باتگنلیکده عیبلهگنلر. اوشبو مدنی ادارهلر کریکت بورد ادارهسی اون کونگه قدر اصلاح بولمهگن حالده، ییریک نمایش اوتکزیشلری بارهسیده آگاهلنتیرگنلر.
بوگون (پنجشنبه) کابل ده بیر خبری ییغین اوتکزگن مدنی فعاللرگه کوره، افغانستان ملی کریکت تیمی کریکت بورد رهبرلیک هیاتینینگ ناقانونینی قیلمیشی سبب مذکور تیم آسیایی اویینلرده اشتراک قیلیشدن محروم بولگنلر.
مذکور اعتراضلر، مملکت ملی کریکت تیمیآسیایی 20 آوارهلیک بیلشوولرده عرب امیرلیک اتفاقینی یوتقیزلگنلیکلریدن سونگ بیلدیریلماقده.
اولرنینگ سوزلریگه کوره، ینگی اویینچیلر کریکت بورد رهبرلیک هیاتینینگ یقینلریدن بولمهگن تقدیرده، ملی کریکت تیمیگه اعضالیککه آلینمیدی.
اما، ملی کریکت تیمینینگ سوزلاووچیسی فرید هوتگنینگ سلاموطندارگه معلوم قیلیشیچه، جمهور رییسغنی کریکت بورد رهبرلیک هیاتیدن سیناو آلگن و اویینچیلرهم اوشه لرگه آواز بیرگن.
شونینگدیک جناب هوتک، مملکت ملی کریکت تیمینینگ اعضالری قابلیت اساسیده تنلنگنلر دیگن. او، قابلیتی بولگن هر اویینچی واسطهسیز روشده ملی کریکت تیمیگه آلینهدی دیگن.
کریکت تیمینینگ سوزلاووچیسی، الکوزی شرکتی تمانیدن مالی حمایت ایتیلهدیلر، انه شو سبب هم بو جریان بوتونلی صورتده شفاف ایلگیری آلیب باریلیشی بارهسیده تاکیدلهگن.
عین حالده، بوندن نیچه وقت آلدین هم بعضی رسانهلر افغانستان ملی کریکت تیمیگه عاید نیچه میلیون دالر یوقالگنلیگی بارهسیده گزارش بیرگن ایدیلر. اما، اوشبو ادارهنینگ سوزلاووچیسی، موضوع امنیتی ادارهلر تامانیدن تیکشیریلگندن کیین، بو توغریده لازم تدبیرلر آلینگن دیگن.
