بوگون «جمعه، 5- میزان» مخابرات و معلومات وزیرلیگی بیر خبرنامه ترقه‌تیب ایتیشیچه، سیلاو کونیده بوتون مخابراتی ترماقلر فعال بوله‌دی.
خبرنامه‌ده مخابرات و معلومات وزیرلیگی نینگ سرپرستی فهیم هاشمی دن نقل قیلینیشیچه، سیلاو کونیده بوتون مخابراتی ترماقلر فعالیت‌لریگه دوام بیره‌دی و مملکت یشاوچیلری مخابراتی خذمت‌لردن فایده‌لنه آله‌دی.
جناب هاشمی مملکت یشاوچیلریدن مخابراتی شرکت‌لرنی حمایت قیلیب و منطقه‌لریده دولت گه قرشی قوراللی عصیانچیلرنینگ تهدیدی و ترورچیلیک هجوملریگه فرصت بیرمس‌لرینی سوره‌گن.
عین دمده، «سه‌شنبه، 2- میزان» دن بویان قندوز، بغلان، سمنگان، تخار، بدخشان و سرپل ولایت‌لریده طالبان نینگ تهدیدلری باعث، تورت خصوصی مخابراتی ترماق جمله‌دن افغان‌بیسیم، روشن، ام‌تی‌ان و اتصالات نینگ فعالیتی کیسیلگن.
مذکور ولایت‌لرده یالغیز دولت گه عاید سلام مخابراتی ترماغی فعالیت قیله‌دی.
مخابرات و معلومات وزیرلیگی مسؤوللری نینگ ایتیشیچه، هرقنده‌ی امکانیت‌دن فایده‌لنیب مخابراتی ترماقلرنینگ فعالیتی قیته‌دن باشله‌نیشی خصوصیده سعی و حرکت قیله‌دی.
جمهورلیک ریاست سیلاوی ایرته «شنبه، 6- میزان» یولگه قوییلیشی خصوصیده قرار قیلینگن. بو سیلاوده شفافیت تأمین‌لنیشی بایومتریک اسکونه‌لریدن فایده‌لنه‌دی. سیلاده بایومتریک دن فایده‌لنیشی اوچون مخابراتی خذمت کیره‌ک.
