افغانستان ایچکی ایشلر وزیرلیگی بیر خبرنامه ترقه‌تیب مخابرات و معلومات وزیرلیگی‌ده تازه‌لش عملیات یکونلنگنیدن خبر بیریب ایتیشیچه، هجومچی‌لر هلاک ایتیلگن.
ایچکی ایشلر وزیرلیگی‌نینگ ایتیشیچه، قوراللی هجومچی‌لر تامانیدن اویوشتیریلگن هجوم نتیجه‌سیده 4 تینچلیک اهالی و 3 حربی شهید ایتیلگن و باشقه 8 تینچ اهالی یره‌لنگن.
بوگون «شنبه» توشدن آلدین ساعت 11:40 اطرافیده قطار قوراللی هجومچی‌لر مخابرات و معلومات وزیرلیگی اوستیگه هجوم قیلدی.
امنیتی منبع گه کوره، بیرینچی پارتلش مخابرات وزیرلیگی نینگ کیریش ایشیگی یقینیده یوز بیرگن و اوندن سونگ، هجومچی‌لر وزارت ایچی گه کیرگن.
قوراللی هجومچی‌لر 18 قبت‌لی بِناگه ییتیشیدن آلدین، امنیتی کوچلر مخابرات وزیرلیگی‌نی ساحه‌سیده اولرگه توسیق بولگن و هجومچی‌لر بیر نجارلیک و امنیتی قراوللرده جایله‌شیب ساعت‌لرچه امنیتی کوچلر بیلن اوروشگن‌لر.
کابل پولیسی قومندانی سیدمحمد روشندل نینگ ایتیشیچه، مخابرات و معلومات وزیرلیگی نینگ 1500 دن آرتیق ایشلاوچیسی، مدنیت و معلومات وزیرلیگی نینگ کمیده 300 ایشلاوچیسی و حسابات و معلومات اداره‌سی نینگ 150 ایشلاوچیسی قوتقریلگن.
اونینگ ایتیشیچه، هجومچی‌لر اوزلرینی معلومات مرکزیده بولگن دیتابیس‌لرگه ییتکزیش اوچون سعی و حرکت قیلگن.
مخابرات و معلومات وزیرلیگی نینگ بِناسی کابل شهری نینگ ده‌افغانان منطقه‌سی و جمهورلیک ریاستی و باشقه نیچه مهم دولتی اداره‌لرنی یقینیده دیر.
طالبان گروهی نینگ ایتیشیچه، بوگون کابل شهریده اویوشتیریلگن هجوم اولرنینگ ایشی ایمس دیر. اوشبو واقعه مسؤولیتی‌نی حاضرگچه هیچ بیر گروه بوینیگه آلمه‌گن.
مخابرات و معلومات وزیرلیگی اوستیگه اویوشتیریلگن هجوم قطر تینچلیک ییغینیده توخته‌تیلگنیدن 2 کون اوتگنیدن سونگ یوز بیرگن.
شو توغریده…
قوراللی هجومچی‌لر مخابرات وزیرلیگی اوستیگه هجوم قیلگن
