اوتگن کیچه تون نینگ یریمیده محلی پولیس نینگ بیر عسکری ننگرهار ولایتی نینگ غنی‌خیل تومنیده بیش یولداشینی اولدیرگن‌دن سونگ پوسته‌نی طالبلرگه تاپشیریگن.
غنی‌خیل تومنی نینگ ولسوالی عبدالوهاب نینگ سلام‌وطندارگه ایتیشیچه، محلی پولیس نصرت‌الله غنی‌خیل تومنی مارکوی بازار قرارگاهیده 5 همکسبی‌نی آتیب اولدیرگن‌دن کیین منطقه‌دن قاچگن دیگن. تومن نینگ حاکمی بو توغریده کوپراق معلومات بیریشدن باش تارتگن.
ننگرهار ولایتی والیسی‌نینگ سوزلاووچیسی عطاالله خوگیانی، نصرت‌الله دستلب یولداشلرینی زهرلنتیریب سونگ اولدیریب کیگن لیگینی ایته‌دی.
نامی فاش ایتیلمس‌لیک شرطی بیلن سلام‌وطندارگه صحبت بیرگن محل یشاووچیلریدن بیری، مارکو قرارگاهیده‌گی 5پولیس‌دن ایکّی نفری تیریک قالگن دیگن. کوچلی احتمال بیلن اولردن بیری محلی پولیس و ینه بیر ایسه هجومچی شخص بولیشی ممکن دیگن.
هنوزگچه واقعه مسوولیتی‌نی هیچ بیر گروه ذمه‌سیگه آلمه‌گن. بوندن ایکّی کون آلدین هم محلی پولیس نینگ بیر عسکری خوگیانی تومنیده یولداشینی اولدیرگن دن قولیده‌گی قورال اسلحه‌سی بیلن طالبلرگه قوشیلگن ایدی.
