کورینیشیچه نماینده‌لر مجلسی اداری هیاتی مجلس نینگ غیر حاضرلیک قیله دیگن اعضالریگه نسبتن جدی یانده شه‌دی. نماینده‌لر مجلسی نینگ اداری هیاتی شنبه کون عمومی ییغینی‌ده مجلس نینگ 5 اعضاسی ایشینی توخته‌تیب اولرنینگ امتیازیدن محرم قیلدی. نماینده‌لر مجلسی نینگ کاتبی عبدالقادر زازی وطندوست نینگ ایتیشیچه، عزت‌الله عاطف 24 کون، امان‌الله گذر 27 کون، پیر بخش گردیوال 21 کون، علم‌خان آزادی 27 کون محمد اسحق رهگذر22 کون منتظم روشده مجلس‌گه کیلمه‌گن لیگی سبب مجلس نینگ ایچکی اصول و ایش لایحه‌سی بولرنینگ اوستیده تطبق ایتیلگن.
نماینده‌لر مجلسی نینگ کاتبی جناب زازی، مجلس اعضاسی عبدالظاهر قدیر 19 کون مجلس‌گه کیلمه‌گن، او ینه بیر کون مجلس‌گه کیلمه‌گن تقدیرده، پارلمان نینگ اوشبو اعضالری تقدیریگه روپه‌ره بولیشی باره‌سیده آگاهلنتیرگن.
عین حالده، مجلس نینگ بیرینچی اورین باسری همایون همایون، نماینده‌لر مجلسی نینگ بیر قطاری مجلس نینگ ایچکی اصول و ایش لایحه‌سی نینگ 73 ماده‌سیده قیین چیکلیک بارلیگی باعث مذکور ماده کوریب چیقیلیشی اوستیده تاکید قیلگنلر دیدی.
قانونگه کیریتیلگن ماده‌گه کوره، پارلمان نینگ هر بیر اعضاسی فزیکی یانده شگن حالده اونینگ بیلن قانون یوزه‌سیدن یانده شیله‌دی.
نماینده‌لر مجلسی نینگ کاتبی بوندن بویان مجلس نینگ هر بیر اعضاسی فزیکی یانده‌شیش گه عیب‌لنگن حالده، مجلس نینگ ایچکی اصول وایش لایحه‌سی اوستلریگه تطبیق ایتیله‌دی دیگن.
بوندن نیچه وقت آلدین هم نماینده‌لر مجلسی نینگ اداری هیاتی قراری اساسیده مجلس نینگ تورت اعضاسی دایمی غیر حاضرلیک‌که عیبلیب پارلمان نینگ بوتون امتیازیدن محروم قیلگن ایدی.
