نماینده‌لر مجلسی‌نینگ قطار اعضالری بوگون (چهارشنبه) سیلاولر تیزیمی‌گه اصلاحات کیریتیش کمیسیون تکلیف‌لرینی مجلس‌گه تقدیم قیله‌دیگن‌ده، مذکور کمیسیون تاسیس ایتیلگن لیگی ناقانونی‌لیگی باره‌سیده تاکیدلب، مذکور اداره مجلس‌نینگ تصدیقله‌گن ایریم قانون‌لریگه قرشی عمل قیله‌دی دیگنلر.
آواز بیرووچی‌لرنینگ رویخطی تیارله‌نیشی، رویخط‌گه آلینگن ییرلرده رای بیریلیش و مملکت بویلب سیلاووچی‌لرنینگ الکترونیک سیستم آرقه‌لی رای بیریشی مذکور کمیسیون‌نینگ نماینده‌لر مجلسی‌گه قیلگن تکلیف‌لریدن دیر.
نماینده‌لر مجلسی‌نینگ اعضالریدن اسدالله سعادتی، سیلاولر کونی دولت اداره‌لر ایشلاووچی‌لری و اورگه‌تیش اداره‌لر ملازملری تامانیدن سیلاولر جریانی کوزه‌تیلیشی‌نی تکلیف قیلگن.
نماینده‌لرنینگ تنقیدی
عین حالده، نماینده‌لر مجلسی‌نینگ اعضاسی عبدالقادر زازی، سیلاولر جریانی دولت ملازملری اینیقسه عالی تحصیلات و معارف وزیرلیگی ملازملری تامانیدن نظارت ایتیلیشی توغری‌سیده بولگن تکلیف‌نی تنقید قیلیب ایتیشیچه، اساسی قانونگه موافق دولت ملازملری سیلاولر جریانی‌نی کوزه‌تیش حقی‌گه ایگه ایمس‌لر.
باشقه تاماندن پارلمان‌نینگ باشقه بیر اعضاسی میربت‌خان، کمیسیون‌نینگ سیلاووچی‌لر رویخط‌گه آلینگندن علاوه باشقه ییرده رای بیره‌آلمسلیک‌لری حقیده قیلینگن تکلیفی‌نی تنقید ایتگن.
میربت‌خان‌گه کوره، افغانستان اهالی‌سی‌نینگ کوپچی‌لیگی ایریم دلیل‌لر جمله‌دن خوفسیزلیک باعث، راین چپته‌سی آلگن منطقه‌دن باشقه ییرده رای بیره آلمس‌لیکلریی باره‌سیده تکلیف ایتیگن مساله‌نی جدی رد قیلگن. سیلاولر تیزیمی‌گه اصلاحات کیریتیش کمیسیونی‌نینگ مذکور قانونگه کوره، اهالی رای بیریش‌دن محروم ایتیله‌دی.
نماینده‌لر مجلسی‌نینگ اعضالریدن نقیب الله فایق، حکومت رهبرلری تامانیدن سیلاولر مستقل کمیسیون کمیشنرلری تنله‌نیشی، مذکور کمیسیونگه تقلب‌چی‌لر یول تاپیشی اوچون باشقه بیر گزینه دیگن.
مجلسی‌نینگ ایسته‌گی
شونینگ‌دیک نماینده‌لر مجلسی‌نینگ رییسی عبدالرووف ابراهیمی، سیلاولر تیزیمگه اصلاحات کیریتیش ملی بیرلیک حکومت تشکیل ایتیلیشی‌نینگ بیرینچی ایشلریدن دیب، اوشبو ایش عملی ایتیلیشی توغری‌سیده تاکیدله‌گن.
جناب ابراهیمی، برقی کیم‌لیکلر سیلاولر اوتکزیلگونگه قدر، ترقه‌تیلیشی حقیده علیحده تاکیدله‌گن. اونگه کوره، برقی کیم‌لیک‌لرنی ترقه‌تیش، سیلاولرده تقلب آلدینی آلیش‌گه باعث بوله‌دی.
مجلس رییسی، یازگی تعطیل جریانیده جمهور رییس تقنینی فرمانلرنی صادر قیلگن لیگینی ایتیب، جمهور رییس‌دن مذکور فرمانلر قانونی باسقیچ‌نی اوتکزیش اوچون پارلمان‌گه یوباریشی‌نی سوره‌گن.
