اجتماعی ترماغ فیسبوک صحیفه‌سیده «ماما وردگ» ناملی طنزی صحیفه‌ده طالبانه اویلش‌گه قرشی «افغانستان شعری» ناملی بیر کورگزمه یولگه قوییلگن ایدی، بو کورگزمه‌ده دنیا بویلب افغانستان‌لیک تانیقلی شاعرلریدن اوروش، خودکش‌لیک، پارتلش، طالب و طالبانه اویلش توغری‌سیده شعر توپلنگن ایدی.
ماماوردگ صحیفه‌سی هرکون طالب‌گه قرشی بیر شعر بیلن تازه بوله‌دی. بو صحیفه حاضرگچه فیسبوک ایشچی‌لریدن کوپینچه‌سینی اوزی‌گه جلب ایتکن. بو کورگزمه موضوع‌سی توغری‌سیده سلام‌وطندار مامادن بونده‌ی بیر کورگزمه‌نی ایجاد ایتیشی توغری‌سیده سوره‌دی و ماماوردگ جوابی‌گه ایتیشیچه، طالب خلق حیاتی‌نی قاره‌قیلیب و یالغیز یوتوقلیگی بوزغونچی‌لیک و نابود قیلیش دیر. بو گروه‌نینگ ینگی و حاضرگی دنیاده یشش‌گه قابلیتی یوق دیر. بیراق، بو آره‌ده طالبانه اویلش قورال‌لی طالب‌لردن کوره یمان‌راق؛ چونکه اولر یوتوقلیک و بیر ییرده حاکم بولیش قانیقمه‌یدی.
ماماوردگ طالب خصلتی، خصوصیاتی و طالبانه اویلش‌گه اشاره قیلیب ایتیشیچه، طالب قالیش‌نی ایسته‌گن صورتده، ییر بوییچه حاکم بولیشی لازم و بونی امکانی یوق. حاضرگی کونلرده طالبانه اویلش‌گه قرشی ییتیشرلی کوچ و معلومات موجود و نهایت‌ده بو پدیده قارانغولیک عنوانی بیلن تاریخ‌ده روی خط‌گه آلینه‌دی. طالب‌لر باشیده‌گی بار فکری و حرکتی بیلن مسلمان‌لرنینگ قتل قیلیش و مسلمان‌لردن نفرت قیلیش‌نی شرعی دیب بیله‌دی.
ماماوردگ‌گه کوره، اسلام جماعه‌سیده طالبانه اویلش‌گه قرشی ییتیشرلی کوچ موجود. او افغانستان‌لیک یازوچی‌لر، شاعرلر و ادبیات توغری‌سیده اشاره قیلیب ایتیشیچه، بیزلر هر نرسه‌دن کم‌کیلگن بولسک، شاعردن کم ایمس میز دیدی. بونده‌ی بولگن صورتده، نیمه اوچون برچه شاعرلر طالب و طالبانه اویلش‌گه قرشی شعر ایتمه‌یدی. مامانینگ ایشانچی‌گه کوره، شاعرلر طالب‌لرنینگ قاچیریش، شکستی و طالبانه اویلش توغری‌سیده اوزلریدن حجت قالدیریش‌لری لازم. اونینگ ایتیشیچه، شو نیت‌ده حاضرگه‌قدر فارسی تیلی‌گه شعر ایته‌دیگن کمیده یوز شاعر بو کورگزمه‌ده اشتراک ایتکن. او تأسف بیلن پشتو و اوزبیکی تیلی‌گه شعر ایته‌دیگن شاعرلر قتنشمه‌گنی توغری‌سیده ایتیشیچه، ممکن اوشبو ایکی تیل شاعرلری بیلن علاقه باغله‌آلمه‌گنی باعث، اولرنینگ بو کورگزمه‌گه اشتراک ایتمه‌گنی‌گه سبب بولگن.
ماما بونده‌ی بیر کورگزمه یولگه قوییلگنی‌دن خرسندلیک بیلدیریب ایتیشیچه، مذکور یوز شاعر ایچیده تانیقلی کیشی‌لر موجود. اوشبو شاعرلردن بیرقطاری بو کورگزمه‌دن کیین، بیان ایتیلگن موضوع‌نی ترک ایتمه‌ی و طالب‌گه قرشی شعر ایتکن‌لر. مامانینگ فکری‌گه کوره، طالب‌لرگه قرشی شعر ایتیش، اولرگه قرشی کوره‌شیش خصوصیده اساسی یول دیر.
ماما ورگ مملکت‌ده تانیقلی یازووچی و شاعرلردن بیری دیر؛ افغانستان وضعیتی، طالب‌لرنینگ نیتی و مملکت‌ده‌گی قیین‌چیلیک‌لرنی حل ایتیش اوچون دولت نقشی توغری‌سیده ایتیشیچه، سونگی 15 ییل‌ده یوزبیرگن اونملی خیانت، افغانستان خلقی‌دن امید و تیریلیک مزه‌سینی آلیش دیر. خلق طالب ناملی چیگل‌لیک‌که دوچ کیلگن. اونینگ ایتیشیچه، بو واقعه‌لرنی برچه‌سی‌گه، حکومت و ایکی تامانلمه سیاستی‌نی قولی بار. ایتیلیشیچه، ملی حربی طیاره‌لری قورال‌لی طالب‌لرگه قورال جهاز ییتکیزه‌دی. کورینیشیچه، طالب‌لر جمهور رییس، طرافدارلری یقینیده ییتیب کیلدی و بو وضعیت خلق‌نی امیدسیزراق قیله‌دی.
ماما، مدنیت و معلومات وزیرلیگی 15 ییل‌لیک ایش نامه‌سیگه اشاره قیلیب ایتیشیچه، مذکور وزیرلیک تامانیدن حاضرگچه هیچ بیر ملی مدنی لایحه تشکیل ایتیلمه‌گن. طالبانه اویلش‌نی، افغانستان خلقی‌نینگ فکری‌دن اوزاق لنتیریلیشی کیره‌ک ایدی؛ سیزنینگ ایسینگیزده بارمی مدنیت وزیرلیگی شو توغریده بیران ایش قیلگن بولسه؟
اونینگ بو کورگزمه توغری‌سیده ایتیشیچه، اوشبو صحیفه‌نی آچیب ایکی نکته‌نی اثبات قیلماقچی بولگن؛ بیری شوکه طالبانه اویلش افغانستان اوچون یاقیملی ایمس؛ و ایکینچی حقیقت شوکه بیزلرنی قیین‌چیلیگی‌میز هردایم پول سیزلیک ایمس. بونی بیر ریجه بیلن ایشلب بوله‌آله‌دی. بیر ایاق اوستی‌گه‌هم توختش قیین ایمس. بو کورگزمه کیم‌سه‌دن مالی یاردم سوره‌مس‌دن یولگه قوییلگن و خرجتی یالغیز چاپ قیلینیب چیقاریله‌دیگن کتاب خرجتی بوله‌دی، اونی‌هم اوزیمیز تول‌له یمیز. ماما وردگ‌نینگ بیرقطار شاعرلرنینگ یخشی علاقه بیلن اشتراک ایتیشی توغری‌سیده ایتیشیچه، جیین‌لری دنیانی هر ییریدن بو کورگزمه‌نی یولگه قوییلیشی خصوصیده مالی یاردم تکلیف قیلگن، بیلدی‌که فکر بولسه، فکرنی عملی قیلیش قیین ایمس دیر. ماما بو کورگزمه‌نی یولگه قوییب ایشانچ بیلدیریشیچه، افغانستان‌ده‌هم یخشی ایش قیلیب بوله‌دی و امیدسیزلیک‌که حاضر وقت بولگن.
شونده‌ی بیرحالده، قیسقه مدت کورگزمه فضاسی‌دن چقیب؛ مامادن اجتماعی ترماغ‌لرگه خلق علاقه‌سی و اونینگ مملکت‌ده‌گی جاری سیاست اوستی‌گه بولگن تاثیری توغری‌سیده سوره دیک و ماما جوابی‌گه بونده‌ی دیدی، کوپ واقعه‌لر یوزبیرگن، سیاست چیلریمیز اجتماعی ترماغ‌لرده قرشی‌لیک‌لرگه دوچ کیلیب تأثیر آستی‌گه قالیب، سوزلرینی قیته‌آلگن؛ تفصیلات بیریب، یا حرکت‌لرینی اوزگرتیرگن. زاخیلوال اعلامیه‌سی توغری‌سیده بولگن قرشی‌لیک‌لر یخشی مثال ایدی. اجتماعی ترماغ‌لرده‌گی قرشی‌لیک‌لر زاخیلوال‌نینگ قیلگن خطالری‌گه دقت قیلیشی‌گه سبب بولدی. نتیجه فیسبوک صحیفه‌سیده پست قیلگن اعلامیه‌سینی کوترگن. ماما وردگ‌نینگ ایشانچی‌گه کوره، اجتماعی ترماغ ایشلاوچی‌لری خطالرگه دقت قیلدیریش و طالبانه اویلش‌گه قرشی یخشی ایشلب کیلگن‌لر.
ایتیش لازم، حاضرگچه مملکت‌ده هیچ بیر ادبی و مدنی کورگزمه‌لرده، شاعرلرنینگ سهم آلیشی و اشتراک ایتیشی اونچه‌لیک قیزیق بولمه‌گن. مامانینگ ایتیشیچه، بو کورگزمه‌گه اشتراک ایتکن کیشی‌لرنینگ بیره‌قی بلند بولگن. اولر بار کوچی بیلن طالب و طالبانه اویلش‌گه قرشی توخته‌گن. کوتیش لازم ماماوردگ قچان بو شعری مجموعه‌نی باسدیریب چیقاره‌دی و جیین‌لری‌نینگ اختیاریده قویه‌دی.
