کاپیسا ولایتی و سروبی تومنی‌ده ایکینچیلیک، برق قوتیگه قول تاپیش و صحی بولیملر کوچلنیشی اوچون افغانستان مالیه وزیرلیگی بیلن فرانسه دولتی اورتهسیده 61 میلیون یورو بهاسی بولگن شرطنامه گه قول قوییلدی.
بوگون (دوشنبه) افغانستان مالیه وزیری اکلیل حکیمی مذکور شرطنامه گه قول قوییب ایتیشیچه، اوشبو لایحه نینگ رسمی ایشی باشله‌نیشی بیلن مملکت اهالیسی‌گه ایش شرایطی یره تیله‌دی دیگن. اهالی ایش بیلن مشغول بولیش‌دن علاوه مذکور لایحه خلق اقتصادیگه هم ایجابی تاثیری بار دیگن جناب حکیمی.
شونینگدیک جناب حکیمی، ایکینچیلیک، انرژی بو ساغلیق بولیملری حکومت اقتصادنی اوسدیریشی اوچون بیرینچی اساسی ایشلریدن حسابلنه‌دی دیدی.
مالیه وزیری، بو کومکلرنینگ 25.4 ایکینچیلیک بولیمی، 20.7 میلیونی محمد راقیدن کاپیسا ولایت مرکزیگه برق آلیب کیلیش و 9.7 ایسه نجراب، تگاب و اله‌سای تومنلریده صحی مرکزلر قوریلیشی‌گه صرفله‌نیشی انابتگه آلینگن لیگینی تیلگه آلگن.
ییغینده سوزگه چیقیب گپیرگن فرانسه نینگ افغانستان‌‍ده‌گی ایلچیسی فرانکویس ریچر، اوشبو یاردملر انرژی تامین بولیشی، ایکینچلیک رواجلنیشی، افغانستان‌ده صحی خذمتلرگه قول تاپیش و اقتصاد ترقی ایتیشی بیلن ایش زمینه‌سی یره تیلیب قشاقلیکنی آلدینی آلیش دیگن.
میلادی 2012 ییلده افغانستان بیلن فرانسه اورتهسیده همکارلیک ساحه‌سیده‌گی بیتیمگه قول قوییلگناید. مذکور شرطنامه گه موافق فرانسه حکومتی افغانستان دولتی‌نی انرژی، صحت و تعلیم و تربیه ساحه‌سیده همکارلیک قیله‌دی.
