د بارسلونا فوټبال کلپ ارجنټایني لوبغاړي بېګا په لالیګا سیالیو کې د اټلاتیکو ماډریډ خلاف د سیالۍ یوازیني ګول د لوبې په لومړۍ نیمایي ۲۶مه دقیقه کې ووهلو چې بارسلونا یې پهواسطه یو د صفر ګول پر وړاندې لوبه وګټله.
نوموړي دغه کارنامه د بارسلونا لوبډلې په کورني لوبغالي نیوکمپ لوبغالي کې وکړه او پهدې سره یې د کریسټیانو رونالډو ریکارډ هم مات کړ.
میسي پهدې سره وکولی شول چې پهخپله ۷۴۷ مه فوټبال سیالۍ کې ۶۰۰ ګولونه هم پوره کړي.
په وهلیو شویو ۶۰۰ ګولونو کې میسي د ۵۳۹ ګولونو په ترسره شویو ۶۲۴ سیالیو کې د بارسلونا فوټبال کلپ په ګټه وهلي دي.
دغه راز لیونیل میسي په ۱۲۳ نړیوالو سیالیو کې هم لوبېدلی چې د خپل هېواد په ګټه یې تراوسه ټولټال ۶۱ ګولونه وهلي دي.
لیونیل میسي دغه راز د ۶۰۰ ګولونو پوره کولو سره د کریسټیانو رونالډو ریکارډ هم مات کړ چې دغه پرتګالي لوبغاړي تېره میاشت په ۸۵۷ سیالیو کې ۶۰۰ ګولونه پوره کړل.
د معلوماتو لهمخې، په وهلیو شویو ۶۰۰ ګولونو کې د لیونیل میسي ۱۴۸ ګولونه د لوبې د ۷۶مې او ۹۰مې دقیقو په منځ کې وهل شوي.
د لیونیل میسي د ښه ځلېدو له کبله اوسمهال هسپانوي کلپ بارسلونا په روانو (لالیګا) فوټبال سیالیو کې له ۲۷ اوونیو لوبو وروسته په پرېکنده توپیر سره لومړی مقام لري.
