د افغانستان لوی څارنوال محمدفرید حمیدي نن د دې ادارې په انګړ کې د مراجعینو لهپاره د اسانتیاوو برابرولو او معلوماتو ترلاسه کولو په موخه د معلوماتو او ښه راغلاست مرکز او یو جومات پرانیستغونډی ته وویل چی پهدې مرکز کې رسنۍ او نور مراجعین د لویې څارنوالۍ اړوند معلومات ترلاسه کولی شي.
ښاغلي حمیدي زیاته کړه، د دې ترڅنګ به مراجعینو ته په وړیا توګه یو لړ تخنیکي خدمتونه هم ترسره شي او دوی به د خپل کار ترسره کېدو په بهیر کی د ناستی ځای او د خپل کار په اړه معلوماتو ته لاسرسی ولري.
لوی څارنوال دا اسانتیاوې مهمې او د عدالت یوه برخه بولي او وایي کله چې یو څوک دې ادارې ته ورځي باید انساني چلند ورسره وشي.
د لویې څارنوالۍ چارواکیو د معلوماتو لهمخې، د دې ادارې پر جومات څه باندې ۳ میلیونه او د معلوماتو او ښه راغلاست پر مرکز څه باندې ۱۰ میلیونه افغانۍ لګېدلي چې د دې ادارې له پراختیایې بودیجې ورکړل شوېدي.
د دولت په اډانه کې دا لومړۍ اداره ده چې مراجعینو ته په تمځای کې د معلوماتو ورکولو او ځېنې نورې اسانتیاوې په وړیا توګه برابرېږي.