لوگر ولایتی نینگ محمدآغه تومنی ده‌نو منطقه‌سی یشاوچیلریدن بیرقطاری، امنیتی قیین‌چیلیک‌لر و مکتب‌لر یقینیده مردمی کوچلر تامانیدن پوسته‌لر ایجاد ایتیلگنی باعث، مذکور تومن ده 12 ته مکتب نی یاپگن.
اولرگه کوره، مردمی کوچلر تامانیدن اوق آتیلیشی و اوشبو منطقه‌ده یوز بیره‌گن آتیشمه‌لر اوقووچی‌لر اوچون قیین‌چیلیک یره‌تگن و شونینگدیک، اوقووچی‌لر امنیتی پوسته‌لردن قورقگن‌لر.
محمدآغه تومنی ده‌نو منطقه‌سیده یاپیلگن مکتب‌لرگه ایکی لیسه، ایکی اورته اوقول مکتبی و 8 باشلنغیچ مکتب شامل بوله‌دی و بو مکتب‌لرده کمیده 12 مینگ قیز و اوغیل اوقووچی درس اوقیدی ایکن.
بیراق، لوگر حاکمی سوزلاوچیسی دیدار احمد لونگ نینگ ایتیشیچه، طالبان گروهی محل یشاوچیلرینی بو منطقه‌ده امنیتی پوسته‌لر ایجاد ایتیلیشی گه توسیق بولیش‌لری اوچون تحریک قیلگن.
لوگر پولیس قومندانی رحم خدا مخلص نینگ ایتیشیچه، لوگر معارف ریاستی و ملی خوفسیزلیک ریاستی همکارلیگی بیلن مکتب‌لرنی قیته‌دن آچیش سعی و حرکت‌لری باشلنگن و تیزلیک‌که بو قیین‌چیلیک حل ایتیله‌دی.
لوگر مرکزی پل‌علم شامل مذکور ولایتده 365 مکتب فعال دیر و بو مکتب‌لرده کمیده 150 مینگ اوقووچی درس اوقیدی و بو جمله‌دن 40 مینگ ته‌سینی قیزلر تشکیل بیره‌دی.
