لوگر ولایت کینگشی اعضاسی عبدالولی وکیل‌نینگ ایتیشیچه، ازره تومنی 13 کوندن بویان طالب‌لرنینگ قمراویده دیر. اونگه کوره، اوتگن کیچه قوراللی طالب‌لر ازره تومنی‌نینگ امنیتی پوسته‌لری اوستیگه تورت تاماندن هجوم قیلگن و بونده‌ی هجوم‌لر نتیجه‌سیده مذکور تومن سقوط قیلیشی ممکن.
جناب وکیل گه کوره، تشقی کوچلر هم طالب‌لرنینگ اورنی گه امنیتی کوچلر و تینچ اهالی اوستیگه هوایی هجوم اویوشتیرگن و نتیجه‌ده 15 عسکر و 5 تینچ اهالی هلاک ایتیلگن.
ازره تومنی‌نینگ یشاوچیلریدن بیری شهزاده توحیدمل نینگ سلام‌وطندارگه ایتیشیچه، حاضر منطقه‌ده قتیق آتیشمه دوام ایتماقده و حاضرگچه قوراللی طالب‌لر 8 امنیتی پوسته‌نی نظارت گه آلگن.
لوگر پولیس قومندانلیگی‌نی سوزلاوچیسی شاپور احمدزی نینگ ایتیشیچه، اوتگن کیچه‌دن بویان مذکور ولایت‌نینگ ازره تومنیده امنیتی کوچلر و طالب‌لرنینگ آره‌سیده قتیق آتیشمه دوام ایتماقده. جناب احمدزی گه کوره، اوشبو آتیشمه‌ده 30 جنگری طالب و 3 امنیتی عسکر هلاک و باشقه 4 امنیتی عسکر یره‌لنگن.
قوراللی طالب‌لر میدیاگه بیر مکتوب یوللب ادعا قیلیشیچه، بو هجوم‌ده ازره تومنی‌نینگ ایریم منطقه‌لرینی نظارت گه آلگن.
